Почетна » Вести (Page 2)

Архива на објави: Вести

Целосна реконструкција на патните правци Крушево – Кривогаштани, Демир Хисар и Кичево

   krusevo

На иницијатива на Општина Крушево и градоначалникот Томе Христоски Министерството за транспорт и врски обезбеди 6 милиони евра за реконструкција на патните правци Крушево – Кривогаштани, Крушево – Демир Хисар и Крушево – Кичево.

Ќе се изврши целосна реконструкција на набројаните патишта, а тоа значи нов асфалт за граѓаните на општина Крушево и оние кои гравитираат во овој реон.

За градоначалникот Христоски ова ќе претставува одличен зафат кој ќе има придонес во неколку области.

„Целосната реконструкција на овие видно оштетени патни правци ќе придонесе за подобра слика за туристите кои доаѓаат во Крушево, на граѓаните ќе им се олесни движењето по овие патишта, град Крушево ќе стане попристапен“, изјавува градоначалникот на општина Крушево.

Она на што дополнително ќе се работи е реконструкција на патниот правец кој ги поврзува селата Норово и Алданци со крак до другите села од овој реон.

 

Сподели

Ќе се изгради споменик на вечниот дом на Тоше Проески

Tose

Министерот за култура Роберт Алаѓозоски потврди дека Владата на Република Македонија обезбеди средства за изградба на споменик на вечниот дом на нашата музичка ѕвезда Тоше Проески.

Во текот на вчерашниот ден на владина седница беше усвоен предлогот за изградба на споменик на нашиот Тоше и конечно тој ќе добие мало признание за своето животно дело.

Премиерот на Република Македонија, Зоран Заев, уште во предизборната кампања, од Крушево, најави дека споменот за Тоше нема да биде заборавен.

Христоски: Разгледуваме можности за оспособување на градинка во с. Бучин

bucin 3

Градоначалникот на општина Крушево Томе Христоски на 9-ти ноември 2017 година (четврток) беше во посета на населеното место Бучин заедно со претставници од Министерството за труд и социјална политика за можностите за изградба на детска градинка.

Градоначалникот и претставниците ги разгледуваа можностите за преадаптација на просториите на Министерството за труд и социјала во градинка за децата од Бучин.

Христоски вели дека сериозно се разгледуваат можностите за изградба на детска градинка која треба да ги задоволи потребите на граѓаните од ова населено место.

„На граѓаните на село Бучин не им е лесно да се грижат за своите деца додека од утро до мрак работат на земјоделските полиња и затоа сериозно размислуваме за оспособување на една детска градинка. Градинката треба да им го олесни животот на родителите и на децата да им овозможи згрижување, образование и воспитување“, порачува Христоски.

bucin

Градоначалникот Христоски потенцира дека активно се работи и на предизборното ветување за изградба на училиште во село Јакреново, но и подобрување на образовните услови во Алданци, Норово, Пресил, Светомитрани и другите крушевски села.

„Преку образованието на нашите деца ќе ја направиме општина Крушево подобра општина“, потенцира градоначалникот на општина Крушево.

Исто така, заеднички ги посетија и спортската сала и дневниот престој за стари лица и ја утврдија затекната состојба на просториите и објектот.

Враќање на спортот во општина Крушево

DSC06108На иницијатива на пензионери и поранешни спортисти од Крушево градоначалникот на општина Крушево Томе Христоски одржа работен состанок за спортот во Крушево и како да се вратат некогашните традиционални спортови.

Градоначалникот со пензионерите и екс-спортистите разговараше за заживување на спортот во општината, како пинг понг, параглајдерство, змајарство, фудбал,одбојка, скијање и други спортови.

Присутните на работниот состанок го потенцираа враќањето на шахот и меѓународните турнири во овој спорт кои се одржувале во Крушево во втората половина на минатиот век.

Градоначалникот Христоски изрази подготвеност за исполнување на барањата и заклучоците изнесени на состанокот, како нешто што ќе претставува импулс за севкупен развој на општината.

Интервју на градоначалникот за Вечер

Градоначалникот на Општина Крушево го имаше второто интервју по преземањето на функцијата, во кое ги потенцира главните приоритети за локалниот економски развој, инвестирање во туризмот и активно работење на зачувување на името и споменот на Тоше Проески.

Интервјуто е дадено за порталот vecer.press и истото можете да го проследите на следниот линк.

Втора седница на Советот на општина Крушево

седница

Денес, 03.11.2017г., со почеток во 10 часот се одржа втората седница на новиот состав на Советот на општина Крушево.

Со седницата претседаваше претседателот на Советот Тома Петроски, а дневниот ред содржеше 13 точки.

Дел од точките беа избор на претседатели и членови на неколку комисии: комисија за финансирање, буџет и економски развој, комисија за урбанизам, комунални дејности и заштита на животна средина, комисија за општествени дејности, за статут и прописи и комисија за месна самоуправа.

Седницата се одржа во кабинетот на градоначалникот на општина Крушево, додека конститутивната седница се одржа на 29-ти октомври во Домот на културата во Крушево.

Плаќањето на туристичката такса е придонес за подобра туристичка клима

paraglajderstvo

Почитувани,

Во општина Крушево нотираме дека оваа година, 2017, парите уплатени за туристичка такса се драстично намалени во споредба со статистистичките показатели за бројот на туристи кои го посетиле градот и отседнале во категоризираните туристички објекти.

Средствата од туристичката такса што туристичките работници ги уплаќаат, локалната самоуправа ги инвестира во подобрување на туристичката клима, тоа значи дека парите на претприемачите што се обврзани да ги наплатат од туристите согласно Законот за привремен престој на домашни и странски туристи и Законот за угостителство се користат за подобрување и зголемување на нивната работа.

Она што во општина Крушево го нотираме е дека оваа година, 2017, парите уплатени за туристичка такса се драстично намалени во споредба со статистистичките показатели за бројот на туристи кои го посетиле градот и отседнале во категоризираните туристички објекти.

Оттука, ги повикуваме сите сопственици на туристички објекти кои се’ уште ја немаат уплатено туристичката такса да ја исполнат оваа законска обврска. Овие средства општина ги реинвестира во локалниот туризам и наменски се користат за промоција, подобрување на инфраструктурата и организирање на настани кои ќе ја збогатат туристичката понуда на градот.

Ги известуваме граѓаните дека постапката за категоризација на туристички објекти продолжува, а за подетални информации за регистрирање на туристички објекти ги молиме граѓаните да се обратат до надлежните во општина Крушево.

Започна имплементацијата на проектот Општинско–корисна работа

Проектoт „Поддшка на заедницата и подобрување на квалитетот на живот на граѓаните на Општина Крушево“ е четврт проект на Општина Крушево од програмата Општинско-корисна работа  во која  ќе бидат ангажирани 5 невработени лица, распоредени во двете основни училишта на територијата на Општина Крушево – ООУ „Никола Карев“ Крушево и ООУ „Св. Кирил и Методиј“ с.Бучин.

Нивниот ангажман е во насока на совладување на наставниот материјал на одредена категорија на деца, а проектот ќе трае 8 месеци.

Придобивките за општината се од големо значење како за локалната самоуправа така и за ангажираните лица преку:

  • Ангажирање и обезбедување социјална вклученост на лицата кои потешко се вклучуваат на пазарот на трудот преку работно ангажирање со скратено работно време заради стекнување на одредени вештини;
  • Зголемување на понудата на социјалните услуги согласно потребите на населението;
  • Помош за жителите на територијата на локалната самоуправа, преку обезбедување на услуги од социјална сфера.

Овој проект е дел од Оперативен план за активни програми и мерки за вработување и услуги на пазарот на труд за 2017 година, а се остварува во соработка со  Програмата за развој на обединетите нации – УНДП.

 

 

 

НОВИ РАБОТНИ МЕСТА ЗА ГРАЃАНИТЕ НА ОПШТИНА КРУШЕВО

Приватниот инвеститор  „5 – Leters“ ДОО – Ресен, компанија со американски капитал,  свечено го отвори погонот за производство на медицинско масло од канабис, стопански капацитет лоциран во близина на индустриската зона  „Опаленик“ во Општина Крушево.

Отварање на погонот значи отворање на нови 200 работни места за граѓаните на Општина Крушево.

 

ООУ “Св.Кирил и Методиј” од Бучин ја одбележа Светската недела на детето

Со мотото “Детство, радост, насмевки”, ООУ “Св.Кирил и Методиј” Бучин ја одбележа Светската недела на детето.

По тој повод првачињата од Бучин, Пресил и Свето Mитрани положија свечена заклетва и беа примени во Детската организација.

Убавиот ден го надополнија со групно летање на змаеви надевајќи се дека шаренилото и разиграноста на змаевите како и насмевките на детските лица,  ќе бидат настан кој ќе им прерасне во една убава традиција на училиштето.