Параглајдинг сезоната отворена, странските туристи се враќаат во Крушево

Сезоната на параглајдинг натпревари започна. Во моментов се одржува Nordic Open и во градот се присутни десетици параглајдеристи.

„Сезоната е официјално отворена. Параглајдеристи рекреативци доаѓаат уште од мај месец во Крушево, но еве и официјално започнуваат натпреварите. Во текот на летото не очекуваат „Крушево озон опен“, Пред Светското првенство во змајарство и други меѓународни натпревари.“, изјави градоначалникот на општина Крушево Томе Христоски.

Општина Крушево изминатите години интензивно работеше на изградба на едно модерно и безбедно полетувалиште со исполнување на барањата на организаторите на натпреварите. Во моментов се гради објект на самото полетувалиште.

„Догодина не очекува Светското првенство во змајарство и можеме да кажеме дека инфраструктурно сме подготвени“, додаде градоначалникот на општина Крушево.