Напредна фаза од изградба на фекална канализација во Норово

Градоначалникот на општина Крушево Томе Христоски денес беше во посета на с. Норово каде што во тек се активностите за изградба на фекална канализација прва фаза.

„Продолжуваме со активностите и во градот и во населените места. Со години во овие села не се градело ништо и беше поим да се имплементира вака голем проект. Но, нема да застанеме тука, имаме и работиме на проекти кои ќе продолжиме да ги имплементираме и со тоа ќе ги решаваме проблемите.“, изјави градоначалникот Христоски по посетата на Норово.

Овој проект е имплементиран од страна на Општина Крушево и Министерството за транспорт и врски со средства на Европска инвестициона банка. Проектот чини 10 972 424 денари и истиот се очекува да биде завршен во првата половина од 2020 година.