Започна Пролетниот параглајдинг куп Крушево 2019
Од денес, 26.05.2019, официјално започна Пролетниот параглајдин куп Крушево 2019 година со обраќање на градоначалникот на општина Крушево Томе Христоски пред дел од учесниците на Купот.
„Сакам да ви посакам добредојде во нашиот град и ви посакавум успешен натпревар. Општина Крушево аплицира на многу проекти со чија помош инфрастурктурно ќе го доуреди полетувалиштето и ќе го направи попрофесионално и побезбедно„, порача Христоски обраќајќи од Инфо центарот за авантуристички туризам во Крушево.
По краткото обраќање натпреварувачите се упатија кон полетувалиштето на Мечкин Камен од каде во наредните 7 дена ќе полетуваат и ќе се натпреваруваат меѓусебно.
Пролетен меѓународен параглајдинг куп Крушево 2019 година е дел од Проектот за локална и регионална конкурентност финансиран од Европска Унија, имплементиран од Кабинетот на заменик министерот за економски прашања во Владата на Република Северна Македонија и општина Крушево, а Светска Банка се јавува како администратор на проектот.
