Потпишан Договор за соработка – „Да се живее од туризам“

На 21 декември 2018 г. општина Крушево потпиша меморандум за соработка под наслов „Да се живее од туризам“ со три крушевски здруженија кои работат во областа на туризмот – Здружение за туризам и угостителство Крушево, Центар за хумани односи Крушево и Крушевска жена.

Со Договорот за соработка потписниците се обврзуваат на заеднички пристап за подобрување на генералната слика на туризмот, привлекување повеќе туристи, соработка меѓу угостителскиот сектор и локалната самоуправа и слично.

Како дел од проектот погоре наведените здруженија одржаа неколку работилници со издавачите на соби и туристички работници, како и претставници од локални институции. На првата работилница се обрати и градоначалникот на општина Крушево Томе Христоски, а свое излагање имаше и Саша Максимовиќ од Свисконтакт.

По иницијалната работилница се одржа и една фокус група со дел од издавачите на соби и претставник од локалната самоуправа.