Крушево е безбедна Ковид 19 дестинација!
Крушево е чиста и безбедна Ковид 19 дестинација! Оваа потврда важи од денеска со доделувањето на сертификат од страна на Европскиот совет за туризам и трговија како резултат на неколкудневно испитување и истражување.
![](https://krusevo.gov.mk/wp-content/uploads/2021/08/viber_image_2021-08-09_13-03-20-911-819x1024.jpg)
Тројца експерти од Европскиот совет престојуваа во Крушево и испитуваа колку градот е безбеден за туристите и спроведоа процес на сертификација. Крушево е потврдено како безбедна дестинација за туристите во меѓународни рамки.
![](https://krusevo.gov.mk/wp-content/uploads/2021/08/viber_image_2021-08-09_13-02-44-065-819x1024.jpg)
„Ова значи поголема промоција, ова значи поголема препознатливост на општина Крушево како туристичка дестинација во едни изменети услови по појавата на коронавирусот. Денес најголема промоција е безбедноста на една дестинација, а ние тоа го имаме и со официјална потврда во меѓународни рамки. Се заблагодарувам на Европскиот совет за спроведувањето на процесот и изразувам задоволство што крушевските угостители, музеите, одговорните лица во манастирите покажаа дека навистина се почитуваат протоколите за спречување на ширење на вирусот и се трудат на гости да им понудат безбедна средина.“, изјави градоначалникот на општина Крушево Томе Христоски.