Проблемите во Борино се надминуваат

Проблемите на кои граѓаните посочуваа во с. Борино се надминуваат. Од јавно претпријатие „Комуна“ Крушево известуваат дека се преземени мерки за да се спречи манипулирање на системот на водоснабдување и ги повикуваат жителите на Борино во полиција да го пријават секој обид да се наштети на системот.

„Веднаш по реакциите излеговме на терен и комунициравме со граѓаните, пред се’, а потоа направивме увид во системот за водоснабдување. Очигледно беше дека системот беше пробиван и затоа сограѓаните се соочуваа со недостаток од вода. Во с. Борино се изгради нов резервоар за вода и не смееме да дозволиме после таква инвестиција нашите сограѓаните да немаат вода. Благодарам на разбирањето и трпението и заедно со граѓаните ќе продолжиме со работа.“, изјави вд директорката на ЈП „Комуна“ Крушево Станка Ефремова Трајкоска.