Се интензивираат работите на патот до Крушевско Езеро, нова голема акција за чистење

И овој викенд општина Крушево е на терен каде што се интензивираат работите за асфалтирање на патот до Крушевско Езеро и се спроведува акција за чистење.

Втор викенд по ред ЈП „Комуна“ ги интензивира активностите околу јавната чистота со цел почиста средина за граѓаните и резултатите се видливи.

• 

• 

Асфалтирањето на патот започна во 2019 година, но заради временските услови по кратка пауза повторно се работи на овој проект. Општина Крушево напоменува дека активностите мора да продолжат и покрај кризата со коронавирусот, но со крајно почитување на мерките и препораките.

„Ги интензивираме работните активности и под општинско ниво. Денеска продолжија активностите и уредување пред асфалтирање на пристапниот пат од крајот на шеталиштето на „Гумење“ и до Крушевското езеро. Продолжуваме со неколку капитални проекти, а до крајот на годината најавуваме неколку суштински проекти за граѓаните. Во однос на активностите околу хигиената како и минатиот викенд ги активираме сите ресурси на Комуна за да исчистиме максимално и да обезбедиме високо ниво на чистота“, изјави градоначалникот на општина Крушево Томе Христоски.

• 

• 

Во текот на вчерашниот ден се интензивираа и работите околу асфалтирањето на патот Крушево – Пуста Река, проект финансиран и имплементиран од Јавното претпријатие за државни патишта.