Во четврток втора форумска работилница
Втората форумска работилница во рамки на проектот „Зајакнување на општинските совети“ ќе се одржи во четврток на 12-ти март во пензионерскиот дом во Крушево со почеток во 14 часот.
На првата форумска сесија граѓаните усогласија седум идеи и истите ќе се презентираат како предлог-концепти, проектни решенија, на оваа сесија. Во рамки на проектот престојат уште 3 сесии преку кои ќе се одредат најмалку 1 до најмногу 3 приоритетни проекти за истите да се финансираат со обезбедените 50 000 швајцарски франци.
![](https://krusevo.gov.mk/wp-content/uploads/2020/03/baner-finalen-1024x682.jpg)
Форумските работилниц се дел од Проектот „Зајакнување на општинските совети“, вреден 3,4 милиони швајцарски франци, финансиран од Швајцарската агенција за развој и соработка и истиот е имплементиран од УНДП во партнерство со Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women.