Чистење на јазот во Бучин и реконструкција на улица во Крушево
Градоначалникот на општина Крушево Томе Христоски денес (04.04.2019) направи увид во инфраструктурните активности кои на ниво на општина Крушево се во тек.
Најпрво градоначалникот Христоски направи увид во санацијата и реконструирањето на дел од улицата Партизанска, која покрај реконструирањето на улици во с. Норово и с. Саждево, чија реализација е во тек, е само дел од она што се планира да се реконструира во текот на оваа година.
Во населеното место Бучин течат активности за чистење на јазот со механизација која од денеска е на терен.
„Во тек се активности на локаланта самоуправа на територија на речиси цел општина. Во Бучин работиме на чистење на јазот, во Норово, Саждево и град Крушево реконструираме по една улица, во с. Пресил веќе се работи на приклучување на домаќинства и куќи на водоводна мрежа за подобро водоснабдување, во с. Саждево по спроведениот крак водоводна мрежа од 300 метри се работи на приклучоци на куќи и домаќинства.“, порача градоначалникот на општина Крушево Томе Христоски.
Подолу можете да погледнете фотографии и видео од тековните активности.
