Општина Крушево потпиша Меморандум за соработка со Стопанска комора за туризам
![](https://krusevo.gov.mk/wp-content/uploads/2019/02/komora-za-turizam.jpg)
На 13.02.2019 општина Крушево потпиша меморандум за соработка со Стопанска комора за туризам на Република Македонија со цел заедничка промоција на Крушево и создавање врски кои ќе помогнат во развојот на туризмот.
Меморандумот беше потпишан од страна на градоначалникот на општина Крушево Томе Христоски и директорот на Комората Касам Шаќири и беше одржана официјална работна средба на која се разговараше за конкретни чекори за исполнување на заложбите кои произлегуваат од меморандумот.
„Секоја поддршка е добредојдена и, секако, оваа поддршка од Стопанската комора за туризам особено ни значи. Преку взаемната соработка Крушево ќе биде претставено пред многу потенцијални туристички агенции , а настаните кои се организираат во Крушево ќе бидат претставени пред пошироката јавност во Македонија и во странство, благодарение на оваа соработка“, порача градоначалникот Христоски по средбата.