Враќање на спортот во општина Крушево
На иницијатива на пензионери и поранешни спортисти од Крушево градоначалникот на општина Крушево Томе Христоски одржа работен состанок за спортот во Крушево и како да се вратат некогашните традиционални спортови.
Градоначалникот со пензионерите и екс-спортистите разговараше за заживување на спортот во општината, како пинг понг, параглајдерство, змајарство, фудбал,одбојка, скијање и други спортови.
Присутните на работниот состанок го потенцираа враќањето на шахот и меѓународните турнири во овој спорт кои се одржувале во Крушево во втората половина на минатиот век.
Градоначалникот Христоски изрази подготвеност за исполнување на барањата и заклучоците изнесени на состанокот, како нешто што ќе претставува импулс за севкупен развој на општината.