Два резервоари, локален пат и објект на полетиште – тековни проекти

На терен тековно се реализираат неколку проекти:

1. Изградба на резервоар за вода во с. Јакреново (завршна фаза)
2. Изградба на резервоар за вода во с. Пресил
3. Изградба на објект во центар за параглајдинг
4. Реконструкција на дел од ул. Питу Гули со изградба на паркинг

1. Изградбата на резервоарот за вода во с. Јакреново се одвива непречено и е во завршна фаза. Резервоарот е втора фаза од проектот за водоснабдување на ова населено место. Во рамки на првиот дел од работите се работеше на реконструкција на постојни и изградба на нови каптажи и изградба на цевковод. Со резервоарот целосно ќе се надминат проблемите со водоснабдување во ова населено место. Проектот се имплементира преку Министерство за транспорт и врски
2. Во тек е изградбата на резервоар за вода во с Пресил. Стариот резервоар кој беше мал и оштетен ќе биде заменет со нов со зголемен капацитет. Граѓаните од ова населено место конечно добиваат одговор на нивните барања. Проектот се имплементира во рамки на „Развој на урбани подрачја и одржлив урбан развој“ на Бирото за регионален развој, а договорот со изведувачот чини 2 122 272 денари.
3. Во завршна фаза е и изградба на мал објект на полетувалиштето на Мечкин камен кој ќе одговори на потребите на организациите на меѓународните првенства во параглајдерство и змајарство. Објектот ќе содржи канцелариски простор, просторија за чување на опремата на натпреварувачите, тоалети и простор за кафе и чај. Средствата обезбедени за овој проект изнесуваат 4 милиони денари преку Владата на Република Северна Македонија.
4. Се работи на реконструкција на дел од улица Питу Гули, односно од црквата Св. Троица до хотел Монтана Палас. Во близина на хотелот ќе биде изграден и паркинг простор.
   Овој проект се имплементира во рамки на Проектот за поврзување на локални патишта финансиран од Светска Банка и имплементиран од Министерство за транспорт и врски со општина Крушево.

Покрај овие проекти кои се реализираат на терен се работи на нови проекти кои се административна процедура.