Полициски час од 19 ч., зголемување на бројот на тестови и поинтензивна работа на изолирање на позитивни и сомнителни
Општинскиот кризен штаб предлага полицискиот час во наредните 3 недели за Крушево да започнува од 19 часот, се донесе заклучок да се дуплира бројот на тестови за корона, како и, меѓу другото, поинтензивна комуникација меѓу ОВР Крушево и здравствениот дом.
На денешната седница на општинскиот кризен штаб се донесоа заклучоци и беа делегирани обврски на служби и институции во насока на спречување на ширење на коронавирусот.
Општинскиот штаб ќе побара од централниот полицискиот час да започнува од 19 часот и да трае до 5 часот наутро. Оваа мерка се предлага да важи во наредните 3 недели.
Штабот донесе заклучок да се зголеми бројот на тестови за коронавирус и со тоа бројот на тестови ќе се зголеми двојно, а контактите ќе се таргетираат побрзо и поефикасно.
![](https://krusevo.gov.mk/wp-content/uploads/2021/03/stab-4-1024x683.jpg)
Ќе се интензивира комуникацијата меѓу ОВР Крушево и здравствениот дом во насока на укажување за изолација на позитивни и сомнителни случаи. ОВР Крушево со ДПИ ќе продолжи со засилени контроли, особено во угостителските објекти за почитување на мерките.
ТППЕ Крушево ќе продолжи со редовна дезинфекција, а општината и ОО Црвен Крст Крушево ќе формираат тимови од волонтери за помош на граѓаните во изолација.
Се предлага јавната администрација да го организира работењето по принцип на ротација.
![](https://krusevo.gov.mk/wp-content/uploads/2021/03/stab-1024x683.jpg)
Кризниот штаб апелира граѓаните да го сведат движењето на минимум со цел да се намалат контактите и да се стесни просторот за ширење на вирусот.
Градоначалникот на општина Крушево Томе Христоски извести дека општина Крушево ќе продолжи со асистенција во изработка на решенија за изолација и ќе спроведува активна кампања за почитување на мерките.