Се изработуваат проекти за канализации за неколку населени места
По вчерашниот почеток на работите околу изградба на фекална канализација прва фаза во с. Норово градоначалникот на општина Крушево најави дека се изработуваат проекти за канализации и во неколку други останати села од општината.
„Во Норово започнавме со работа на терен и официјално после долгите очекување на моите сограѓани од овој дел на општината, во завршна фаза е изработката на проектот за изградба на каналзиација во с. Алданци, а дополнително ќе се изработуваат проекти за селата Борино, Јакреново, Саждево, Пресил, Врбоец и Св. Митрани. По изработката на проектите тие ќе влезат во процедура на аплицирање, нивно финансирање и се надеваме за скоро и нивна имплементација.“, изјави градоначалникот на општина Крушево.
Вчера (14.11.2019) се означи почетокот на изградба на фекална канализација во с. Норово и асфалтирање на пат во должина од 2 и пол километри до с. Саждево, а од понеделник официјално започнува имплементацијата на проектот за изградба на цевковод во Саждево.
Покрај претходно наведените проекти во општина Крушево во тек се уште неколку:
- Изградба на гробно место на Тоше Проески,
- Асфалтирање на пат до Крушевско езеро
- Асфалтирање на пат од с. Борино до Житоше (општина Долнени),
Вкупна вредност на тековните проекти: 874 203 евра.