Во рамките на проектот „Крушево и Елбасан, Патување во природа и авантура“ (KET-J), во Општина Крушево се развива ново полетувалиште за параглајдерство на локалитетот Црн Врв.
Новата инвестиција има за цел да ги подобри условите за безбедно и квалитетно практикување на параглајдерството, како и да го зајакне потенцијалот на Крушево како една од водечките европски дестинации за овој спорт.
Со изградбата на новото полетувалиште ќе се обезбедат:
• Подобрени безбедносни услови за пилотите.
• Подобри услови за одржување меѓународни натпревари и спортски настани.
• Подобрено искуство за параглајдеристите и посетителите.
• Поддршка за развој на одржливиот туризам и локалната економија.
Крушево со своите природни карактеристики, поволните воздушни услови и долгогодишната традиција во параглајдерството веќе е препознаено како атрактивна дестинација за љубителите на авантуристичкиот туризам. Новото полетувалиште на Црн Врв дополнително ќе придонесе за зголемување на туристичката понуда и меѓународната препознатливост на регионот.
Проектот „Крушево и Елбасан, Патување во природа и авантура“ (KET-J) се реализира со финансиска поддршка од Европската Унија преку ИПА III Програмата за прекугранична соработка Северна Македонија, Албанија, а го спроведуваат Општина Крушево, Општина Елбасан, Центарот за одржлив развој АЛКА и Tjeter Vizion Organisation.
