Почетна » Posts tagged 'култура'

Архива на тагови: култура

Театарската претстава „Delirium Tremens“ прикажана пред крушевската публика

Во изведба на актери од Народниот театар „Војдан Чернодрински“ од Прилеп, на плоштадот Никола Мартиновски во Крушево беше изведена театарстката претстава Delirium Tremens од Благоја Ристески – Платнар.

Несекојдневен спој на дрмата и музиката, пропратено со внатрешни монолози на исклучителните актери.

Сподели

Министерката за култура во работна посета на Крушево

По повод реконструирањето на галеријата „Никола Мартиноски“, обновувањето на уште една фасада на куќа со староградска архитектура како и оградувањето на споменикот Илинден кој ќе почне да се реконструира откако ќе заврши тендерската постапка, проекти кои се реализират со средства од Министерството за култура,  Крушево го посети Министерката за култура Елизабета Канческа-Милевска која се запозна со текот и одвивањето на проектите.

Покрај овие  има и други проекти кои ќе се реализираат во Крушево со поддршка од Министерството за култура и општина Крушево. Меѓу нив е уредувањето на поставката во Историскиот музеј, што се планира за идната година, а во Спомен куќата на Тоше Проески ќе продолжи музичката работилница која како проект беше воведена минатата година со предавањата за гитара на Влатко Стефановски.

Посетата ја заврши со посета на вечното почивалиште на Тоше Проески.

Од вчерашната Стенд ап револуција со Никола Тодоровски

Фото галерија

 

Манифестацијата „Топол културен бран“ и во Крушево

Манифестацијата се организира по пат на конкурс на кој општините аплицираат со креирана програма, а Министерството за култура ја поддржува финансиски

- Над 90 настани - концерти, претстави, поетски читања, стендап-комедии, филмски проекции, изложби… ќе опфати осмата манифестација „Топол културен бран“, која ќе се реализира во 30 општини во две етапи – од 20-ти до 31 јули и од 20-ти до 31 август.

Манифестацијата се организира по пат на конкурс на кој општините аплицираат со креирана програма, а Министерството за култура ја поддржува финансиски.  Годинава се одвоени 4.700.000 денари.

Министерката за култура Елизабета Канческа-Милевска на прес-конференција рече дека ја радува се поголемиот интерес на општините да бидат домаќини на содржини од „Топол културен бран“, чија главна цел е дисперзија на настаните од културата во сите делови на државата и нивна достапност за сите македонски граѓани. Во неколку туристички општини (Ресен, Берово, Крушево и Дојран) паралелно ќе се одвива и второто издание на проектот  „Културно лето, културна зима“.

Канческа-Милевска рече дека и оваа година националните установи од сите дејности се отворени за соработка со општините во заложбата да се подигне свеста за културата, да се анимираат жителите, особено во малите општини и да се поттикне нивниот локален развој.

- Претходните изданија на овие манифестации дадоа одлични резултати. Уверена сум дека  програмските содржини кои ќе бидат дел од програмата на овие манифестации оваа година и кои ќе ги реализираме заедно со локалната самоуправа, институциите од областа на културата и нашите уметници, ќе бидат соодветен одговор на потребите и барањата на граѓаните кои секоја година масовно ги посетуваат настаните, рече министерката за култура. Додаде дека во изминатите седум години „Топол културен бран“ стекнал репутација со реализираните над 700настани, привлекувајќи го вниманието и на домашната публика, но и на посетители од регионот.

На прес-конференцијата беа и градоначалници на општини во кои се одвива и манифестацијата „Културно лето, културна зима“. Градоначалникот на Ресен Ѓоко Стрезовски рече дека покрај воопштината, содржините во рамки на Преспанското културно лето се дисперзирани на брегот на Преспанското Езеро, во Претор, Отешево и Крани, а настаните се атрактивни и за иселениците кои налето доаѓаат во родниот крај.

Градоначалникот на Берово Драги Наџински истакна дека нудат програма за различни вкусови и генерации, како и Борче Стамов на Дојран, кој посочи дека програмата од „Топол културен бран“ ја прошириле со настани во викендите. Централен настан во Дојранското културно лето е тридневниот „Д фестивал“ на кој ќе настапат 30-ина изведувачи. Очекува многу домашни, но и туристи од регионот.

Крушевскиот градоначалник Ѓорѓи Дамчевски истакна дека со Школата за гитара под менторствона Влатко Стефановски ќе почнат многубројните настани ова лето во Крушево, кое е посетено и заради историското минато и заради природните убавини. Деновиве таму се одржува меѓународен натпревар за параглајдери, а во претстојниот период ќе се одржуваат и манифестациите Денови на влашка култура, Крушево-етноград, Десет дена Крушевска република…

Градоначалникот на Македонска Каменица Дарко Митевски рече дека ваков проект е особено значаен за мали општини како нивната. Издвои неколку настани, меѓу кои многу посетуваната „Бабина баница“. Главниот настан таму ќе биде на 28 август (денот на Општината) кога, како што рече, ќе настапат голем број македонски и балкански ѕвезди.