Почетна » Posts tagged 'Крушево'

Архива на тагови: Крушево

Крушево домаќин на Интернационален натпревар во ориентација

На ден 29-ти септември, петок, со старт во 15:00 часот, Ориентациониот клуб „Златоврв“ од Прилеп ќе организира Интернационален спортски натпревар во ориентација во Крушево.

Оваа година, на шестиот по ред натпревар,  ќе се натпреваруваат околу 200 натпреварувачи од 14 земји од Европа и други континенти.

Со овој настан, Крушево уште еднаш се става на мапата на екстремните спортови и станува главен туристички центар на голем број посетители, вљубеници во овие спортови.

Освен промоција на Крушево со целокупната своја туристичка понуда како центар за екстремни спортови, целта на овој натпревар е и промоција и доближување на овој спорт до што повеќе граѓани и запознавање со убавините и предизвиците на овој спорт.

Сподели

Резултати од првото коло на турнирот во мал фудбал „Илинден“ 2017

Резултати - прво коло.1

ФОТО  ГАЛЕРИЈА

Во чест на Крушевската Република – првата Република на Балканот

Почитувани,

Ве покануваме денес во 18:00ч. пред Столбот на Крушевската Република, во Градскиот парк,  да ги пречакаме коњаниците „Илинденски марш“ и „Патот на црешовото топче“ и пешадиите „Христо Узунов“ и „Тодор Александров“ кои традиционлано секоја година пристигнуваат во Крушево пред најголемиот македонски празник Илинден а во чест на паднатите илинденци кои се бореле за самостојна и независна Република Македонија.

konjanica

Научно културни средби „Десет дена Крушевска Република“

ПРОГРАМА 2017

Плакат

20429664_1600105843386376_1394604057314145488_n

Прв оutdoor фестивал во Крушево на Крушевското езеро

Повелете да се рекреирате, кампувате, спортувате и забавувате во најаутдор градот во Македонија и на Балканот!
When in Krusevo започнува на 4-ти, а ќе трае до 6-ти Август. Вклучува авантуристички МТБ и планинарски тури низ недопрената крушевска природа, адреналински тандем параглајдинг од Мечкин Камен, посета на историските знаменитости и музеи како и многу забава на Крушевското езеро!

Настанот вклучува:

 
МТБ Тура

Незаборавно велосипедско доживување низ природните Крушевски убавини. МТВ туратa започнува од Гумење на 50м од Кумитскиот камп, поминува низ познатата Крушевска корија и преку историската Слива каде се одвивала една од најпознатитте  битка за одбрана на Крушево, се искачува до манастирот св.Преображение и до Крстот над Крушево,  од каде ќе можете да уживате во прекрасниот поглед кон целата Западна Македонија. Турата продолжува до највисоката планинска точка на Бушева планина, врвот Мусица (1788 мнв), од каде се спушта до скијачките терени Станич, продолжува до Мечкин Камен и се враќа назад до Кумитскиот камп низ прекрасното и незаборавно Крушево. Можност да го извозите Крушево како што некогаш го „возеле“  славните крушевски Кумити и Војводи!

Предвидени се две велосипедски тури и тоа:
- Поголемата Кумитска авантура 40km
- Помалата Кумитска авантура 20km.

 

Планинарење

Планинската авантура низ недопрената Крушевска природа започнува од Кумитскиот камп, продолжува над Крушевското езеро до месноста Слива, историската точка каде се одвивала една од најголемите битки за одбрана на Крушевското население. Од Слива се искачува до Крстот над Крушево, местото со најубавиот поглед на светот (па и малку пошироко), продолжува до преркасниот манастир св.Преображение и продолжува до врвот Мусица (1788 мнв), највисоката точка на Бушева планина. Од Мусица турата полека се спушта низ Крушевската корија па преку скијачките терени Станич и планинските патеки пристигнува до влезот на Крушево. Турата завршува со искачување од влезот на Крушево до Кумитскиот камп-единствената можност да го искачите нашето гратче Крушево од неговата најниска до неговата највисока точка, пешки,  и тоа по истите патеки каде што некогаш оделе славните крушевски Кумитити и Војводи!

Предвидени се две планинарски тури, за секого според можностите:
- Кумитите кај што оделе пешки
- Кумитите кај што се шетале.

 

Tандем параглајдинг

За секој учесник на фестивалот овозможени се и тандем летови од Мечкин Камен, еден од омилените европски стартови во во овој спорт. Искусните пилоти на клубот Heli XC ќе ве однесат на адреналинска авантура која никогаш нема да ја заборавите! Повластени цени од 1500 ден. само за учесниците, летот ќе трае 20-30 минути,  а рутата зависи од временските услови. Во цената е организиран превоз до местото на полеување и слетување! Летовите ќе се одржат на 5-ти Август.

 

Kултурно-рекреативна тура

За крушевкото културно наследство веројатно сте слушнале доста. Во склоп на тридневното дружење понудена е единствена можност да се посетат три доста интересни објекти поврзани за Крушево и Македонија.
За секој учесник обезбедена е посета на:
- Споменик Илинден (во народот познат како Македониум);
- Галерија Мартиновски – најпознатата збирка на слики избрана и поставена од самиот уметник по потекло од Крушево, Никола Мартиновски;
- Спомен Куќа Тоше Проески.
Во секој музеј обезбеден е водич и кустос.

 

Забава

За забавата на која ќе може да присуствуваат и поканети се сите, влезот е слободен, задолжение се следните изведувачи:
- Фолтин
- Rootboy Selector
- The Backdoor Band.
- GALOSKI
- High Start
- DJ Crazy Slave
- DJ Bapcu

 

Повеќе инфо  за фестивалот може да добиете на www.wheninkrusevo.mk и на фејсбук страната https://www.facebook.com/wheninkrusevo/

Ве очекуваме на тридневна авантура во Крушево.

Поддржано од Општина Крушево која секогаш ги помага активностите поврзани со развој и промоција на Крушево како авантуристичка дестинација.

Турнир во мал фудбал „Илинден“ 2017г. – Крушево

Општина Крушево и оваа година организира турнир во мал фудбал „Илинден“2017г., кој ќе се игра на новото повеќенаменско игралиште на Гумење.

соопштение

Театарската претстава „Delirium Tremens“ прикажана пред крушевската публика

Во изведба на актери од Народниот театар „Војдан Чернодрински“ од Прилеп, на плоштадот Никола Мартиновски во Крушево беше изведена театарстката претстава Delirium Tremens од Благоја Ристески – Платнар.

Несекојдневен спој на дрмата и музиката, пропратено со внатрешни монолози на исклучителните актери.

КРУШЕВО ДОБИ ФИТНЕС ЗОНА

Во Крушево е отворена првата Фитнес зона на отворено, што е дел од проектот на Агенцијата за млади и спорт за изградба на вкупно 20 на територијата на Р.М.

Оваа зона сега ќе биде составен дел на спортско-рекреативниот комплекс „Гумење“ каде во завршна фаза е и изградбата на едно повеќенаменско и две тениски игралишта.

Изградбата на фитнес зоните е дел од 40-те мерки за млади од програмата на  ВМРО-ДПМНЕ.

 

фитнес зона

 

Меѓународен фестивал за деца и младинци „ЕДЕН ИДОЛ“ во Крушево

Во духот на добрата соработка помеѓу двата збратимени градови,  Крушево и Кочани но и со цел никогаш да не се заборави големата музичка ѕвезда, нашиот Тоше Проески, во Крушево се одржа меѓународниот фестивал за деца и младинци „ЕДЕН ИДОЛ“ посветен токму на ликот и делото на Тоше.

Младите таленти од Крушево, Кочани но и гостите од Србија ги изведуваа своите песни пред големиот број на дечиња во конгресната сала во х.Монтана Палас.

Ова е само почеток на една,  се надеваме успешна соработка чија крајна цел е фестивалот да прерасне во уште поголем и традиционален.

Одржано Државно ридско првенство во велосипедизам 2017г.

Под покровителство на Општина Крушево,  а во организација на Велосипедскиот клуб „Илинден 2007“  и  Велосипедската федерација на Македонија, се одржа Државното Ридско првенство во велосипедизам 2017г.

Трката започна од Кривогаштани, а заврши кај манастирот „Св. Преображение“ – Крушево.

Подоцна, со свечена церемонија, на Градскиот плоштад во Крушево беа прогласени најдобрите натпреварувачи.