6-ти ден од „Десет дена Крушевска Република“, започна Светското параглајдинг првенство

Синоќа, 06.08.2019, на градскиот плоштад „Никола Мартиноски“ се одржа коцнерт на хорот „Злата Мегленска“ на која пред присутните беа интонирани песни од Тоше Проески, изворни македонски песни, но и светски евергрини.

Во текот на вчерашниот ден започна и 16-тото Светско првенство во параглајдерство со 150 учесници од 49 земји од Светот.

Претходно, на 5-от ден од Манифестацијата НКС „Десет дена Крушевска Република“ се одржа отворањето на т.н. „Летна сцена“ со концерт на Влатко Груевски и Андреј Наунов. Оваа Летна сцена е важна затоа што неколку години беше нефункционална и разрушена, но истата претставува место каде крушевчани проследувале голем број на манифестации во летниот период. Локалната самоуправа ја реконструираше и на 5-ти август ја стави во функција и истата беше преполна со околу 300 гости.

Манифестацијата „Десет дена Крушевска Република“ продолжува вечева во 19 часот со театарската претстава за деца „Зеленковци“ и од 21 часот претстава за возрасни „Првин ќе ме земеш, па после ќе ме…“ на летната сцена.