Потпишан договор за изградба на пат кон Крушевско Езеро и урбанистички планови во селата

Денес (08.06.2019) градоначалникот на општина Крушево Томе Христоски во Влада на Република Северна Македонија го потпиша договорот за изградба на пат од спортскиот комплекс до Крушевско Езеро и изработка на урбанистички планови во населените места.

„Реализацијата на проектите ќе обезбедат подобра патна инфраструктура за младите и за туристичките атракции во делот на комплексот Крушевско езеро, а со изработка на урбанистички планови на селата ќе се обезбеди полесно градење, издавање на одобренија за градба и регулирање на сите дивоградби, но и идни проекти на општина Крушево“, порача градоначалникот Христоски по потпишувањето на договорот со Агенцијата за финансиска поддршка во земјдоелството и руралниот развој и Министерството за земјоделство, шумарство и водостопанство.

Реализацијата на двата проекти е во рамки на Програмата за рурален развој, а целосната имплементација ќе чини околу 20 милиони денари обезбедени од Владата на Северна Македонија.

Please follow and like us:
Share