Христоски на заеднички ручек со Унгарскиот амбасадор по повод „Недела на унгарската гастрономија“

Градоначалникот на Општина Крушево Томе Христоски денес, 15.03.2018, присуствува на заеднички ручек со Амбасадорот на Унгарија Неговата Екселенција господинот Ласло Дукс и градоначалниците од повеќе општини по повод „Недела на унгарската гастрономија“.

Ручекот и средбата со Унгарскиот амбасадор се одржа во ресторанот Пелистер во Скопје, а Градоначалникот Христоски разговараше со Амбасадорот за продолжување на соработката меѓу Општина Крушево и Амбасадата на Унгарија која беше зачната при посетата на унгарската делегација во Крушево.

„Убаво е кога комуницираме со Амбасадите во Македонија и преку вакви настани и се запознаваме со културите на други држави.“, изјави Градоначалникот Христоски.