Почетна » Вести » Апел до граѓаните да ја плаќаат туристичката такса

Апел до граѓаните да ја плаќаат туристичката такса

Krush18

Општина Крушево апелира до сите издавачи на соби во Крушево непосредно пред новогодишните празници да ја подмират туристичката такса и да се категоризираат. Порачуваме овој апел да важи и за време на празниците кога се очекува Крушево да го посетат многу туристи.

Плаќањето на туристичката такса значи повеќе инвестирање во инфраструктурата, туризмот и се’ она што ќе привлече повеќе туристи и ќе понуди квалитетен престој.

Евиденцијата за бројот на туристи кои го посетиле Крушево годинава покажува дека тој број е многу поголем од платената туристичка такса.

Во периодот што следи за да нема нееднаквости и привилегирања при плаќањето, некои да плаќаат, а некои не, контролите ќе бидат засилени и затоа ги повикуваме граѓаните да ја подмируваат таксата.

 

Share