Почетна » Вести » Градоначалникот Христоски се откажува од патните надоместоци, парите ќе се искористат за патишта

Градоначалникот Христоски се откажува од патните надоместоци, парите ќе се искористат за патишта

Спомен куќа Тоше Проески

Sazdevo

Градоначалникот на општина Крушево Томе Христоски се откажува од надоместоците за дневни трошоци при службените патувања во други градови во Република Македонија. Парите ќе се пренаменат за санација и изградба на патишта и улица.

Христоски вели дека во општината има поголеми приоритети отколку овие привилегии кои му следуваат на градоначалникот.

„Општина Крушево нема соодветни патишта и улици и затоа мораме да штедиме и кратиме таму каде што можеме за побрзо да обезбедиме средства за реконструкција и санација на локални улици, локални и регионални патишта“, изјавува градоначалникот.

Тој потенцира дека Општина Крушево се’ уште има калливи улица, тешко проодни и асфалтирани патишта со отворени дупки на кои им е потребна итна санација.

„Жалосно е што граѓаните на општина Крушево се’ уште се соочуваат со инфраструктурни проблеми како да живееме во 19 век. Луѓето од градот и населените места газат по кал и тоа им го отежнува секојдневниот живот“, додава градоначалникот на општина Крушево.

Сподели

Туристички Портали