„Помалку возила, повеќе чист воздух“ – пораки од одбележувањето на денот без автомобили

Со испишани пораки и доделување на флаери учениците од СОУ „Наум Наумовски Борче“ го одбележуваат денот без автомобили.

Младите испраќаат пораки до сите граѓани на општина Крушево во текот на денешниот ден да не ги користат своите автомобили и да ја истражуваат природата. Исто така, испишани се пораки како „Крушево – еко град“, „Биди зелен“ и други.

Преку оваа активност младите се директно вклучени во заштитата на животната средина и ги повикуваат сите крушевчани да земат учество во борбата за почист воздух и, генерално, почисто и поеколошко Крушево.

Акцијата е во организација на училишната заедница на СОУ „Наум Наумовски Борче“ со поддршка на општина Крушево и други државни институции.

Please follow and like us:
Share

Следете не и бидете први што ќе дознаете за секоја новина во нашата општина!