Нова вештачка трева на полетиштето за параглајдинг

Продолжува имплементацијата на проектот за поставување на нова вештачка трева на полетиштето за параглајдинг на Мечкин Камен. Со овој проект се обезбедува одржување на поголеми натпревари во параглајдерство и змајарство, самиот старт добива поголема безбедност и поголема привлечност и за професионалните и за аматерите параглајдеристи.

„Добиваме двојно поголемо полетиште за параглајдинг и тоа ќе значи дека големите светски и европски натпревари ќе можат да се одржуваат побезбедно и со поголемо присуство на публика и аматери параглајдеристи. На ова место го имплементираме и проектот за изградба на објект. Продолжуваме со развој на авантуристичкиот туризам во Крушево.

Проектот за уредување на полетувалиштето за параглајдинг е финансиран преку Центарот за развој на Пелагониско планскиот регион и изнесува 64 400 евра.