Продолжува изградбата на канализација во Норово

Продолжуваат активностите во с. Норово за изградба на фекална канализација прва фаза, по краткиот застој на работите како последица на пандемијата со коронавирусот.

„Продолжуваме со работа во с. Норово и овој проект ќе го завршиме за многу брзо. Истовремено, мерките се почитуваат и се преземаат сите неопходни чекори за безбедност при работата на работницте. Покрај овој проект во минатото и сега работиме на многу важни проекти за Норово и ќе продолжиме во иднина“, изјави градоначалникот на општина Крушево Томе Христоски.

Овој проект е имплементиран од страна на Општина Крушево и Министерството за транспорт и врски со средства на Европска инвестициона банка. Проектот чини 10 972 424 денари.