Санирани 2 километри локални улици – реализирани проекти во 2019

Вo 2019 година на територија на општина Крушево се санираа над 10 улици во вкупна должина од 2 километри, додека од март 2018 година до денес реконструирани се над 4 километри локални улици.

При санацијата на улици јавното комунално претпријатие „Комуна“ имаше голема асистенција од страна на локалните жители за да со санацијата се отстранат проблеми како кал и прашина по кои граѓаните газеле со години.

Покрај санацијата на локални улици општина Крушево во 2019 година започна со асфалтирање на патот од Гумење до Крушевско Езеро, се асфалтираше пат до с. Јакреново и се започна со реконструкција на пат до с. Саждево.

Минатата година општина Крушево работеше на два патни правци од меѓуопштински карактер. Се изгради асфалтен пат од Борино до Житоше (општина Долнени) и општината целосно го реконструираше патот од с. Бучин до .с Воѓани . За двата меѓуопштински патишта локалната самоуправа оствари одлична соработка со градоначалниците на Кривогаштани и Долнени.

Изминатата 2019-та општина Крушево аплицираше до Светска Банка за реконструкција на три од поголемите улици во град Крушево и се очекува овој проект да отпочне со реализација на пролет.

*Овој напис е дел од серијата објави за реализирани проекти и активности на општина Крушево во 2019 година

Линк до реализирани проекти: http://krusevo.gov.mk/?p=10455

Please follow and like us:
Share

Следете не и бидете први што ќе дознаете за секоја новина во нашата општина!