Општината аплицира за изградба на канализација во Пресил

На иницијатива на градоначалникот на општина Крушево Томе Христоски Советот на општина Крушево донесе одлука со која дава согласност општината да аплицира до Министерството за транспорт и врски, проект „Водоснабдување и одведување на отпадни води“, преостанати средства од заемот од Европска инвестициона банка, за изградба на канализација во населено место Пресил.

„Во тек е изградба на фекална канализација во с. Норово, а општината изработува проекти за канализации во 8 населени места. Основниот проект за Пресил е готов и веднаш ќе аплицираме за средства до Министерството за транспорт и врски. Очекуваме да добиеме средства и веднаш да почнеме да работиме на каналзиацијата во Пресил, а во иднина да продолжиме со имплементација на вакви и слични проекти и во другите населени места, со поддршка на централната власт“, изјави градоначалникот на општина Крушево Томе Христоски.

Please follow and like us:
Share

Следете не и бидете први што ќе дознаете за секоја новина во нашата општина!