Крушево се подготвува за уште еден роденден на Тоше

Крушево се подготвува за одбележување на уште еден роденден на Тоше Проески со пригодна програма во спомен куќата „Тодор Проески“ на 25 јануари со почеток во 12 часот.

Во рамки на овој ден ќе се одржат неколку ликовни изложби во спомен куќата „Тодор Проески“, а во официјалната програма ќе настапува „Уникат бенд“ и настап на Сара Ристеска придружена од Габриела Аврамоска. Свои точки во спомен на Тоше ќе имаат и СОУ „Наум Наумовски Борче“ и ООУ „Никола Карев“.

На одбележувањето на денот на раѓање на Тоше Проески ќе се обратат претседателот на Советот на општина Крушево Тома Петроски и директорката на спомен куќата „Тодор Проески“ Елена Мирчевска кои и со полагање на цвеќе ќе оддадат почит за пејачот и граѓанин на Крушево.

И овој 25 јануари 2020 година ќе биде во знакот на реченицата: „Тоше има само ден на раѓање“.

Please follow and like us:
Share

Следете не и бидете први што ќе дознаете за секоја новина во нашата општина!