Се продлабочува соработката меѓу Крушево и Наводари, Романија

Градоначалникот на општина Крушево Томе Христоски денес во својот кабинет се сретна со гостите од Наводари, Романија, кои присуствуваат во Крушево како дел од соработката со ООУ „Никола Карев“ Крушево и влашката заедница.

Во Крушево изминатите денови присуствуваат ученици и наставници од училиштето Григоре Моисил од Наводари чија посета опфати посета на настава, посета на значајните културни и историски знаменитости и дружба со цел продлабочување на соработката.

Во кабинетот на градоначалникот присутните се согласија повторно градоначалникот на Наводари и претставници од училиштетот да го посетат Крушево со цел да се информираат подетално за бизнис можностите кои се нудат, но и подробно запознавање со културата на градот.

Оваа посета на наставниците и учениците од Григорие Моисил е возвратна посета на студиската посета на ООУ „Никола Карев“ која се случи во мај оваа година.

Please follow and like us:
Share