Почетна » Соопштенија

Архива на објави: Соопштенија

Известување за сите корисници на ЈП „Комуна“

Се известуваат сите корисници дека јавното претпријатие „Комуна“ќе врши ажурирање на податоците на корисниците и склучување на договори. Ве замолуваме во рок од 10 дена да се јавите во просториите на ЈП „Комуна“ Крушево и со себе задолжително да понесете лична карта и имотен лист

Напомена: Доколку во наведениот рок не се јавите ќе се смета дека не сакате да ги користите услугите на ЈП „Комуна“.

Share

Повик до граѓаните: Да се отстранат хаварисаните возила и да не се паркира непрописно

back_converted.jpgОд утре, 04.06.2018, локалната самоуправа и полициската станица во Крушево ќе започнат со отстранување на непрописно паркирани и хаварисани возила на улиците во градот. Градоначалникот на општина Крушево Томе Христоски порачува граѓаните да ги отстранат своите возила и да не паркираат непрописно и со тоа да помогнат во создавањето на поубава слика за Крушево како туристичка дестинација.

„Започнуваме координирана акција од страна на вработените во локалната самоуправа во соработка со МВР, Полициската станица во Крушево за отстранување на непрописно паркираните возила особено на влезот од Крушево, главната сообраќајница во градот, како и узурпација на места од страна на хаварисани, непрописно паркирани возила, делови и остатоци од превозни сретства на јавна површина и по улиците, раскрсниците, тесните грла, кои го нагрдуваат градот.“, порача градоначалникот Христоски.

Причината за оваа акција е што до градоначалникот на општина Крушево стигнуваат реакции од граѓаните за проблемот со возилата, но и заради подготовката за летната туристичка сезона.

Затоа ги известувам моите сограѓани да ги отстранат возилата кои им се непрописно паркирани на јавна површина, а исто така да најдат начин да ги отстранат и хаварисаните возила со кои се попречува нормалното и безбедно одвивање на сообраќајот по улиците низ градот, За да не се соочат со прекршочни постапки или со присилно отстранување на истите повторно на нивни трошок.“, додава Христоски

Share

Апел до граѓаните за 1 мај: Да не ја загадуваме околината

Meckin KamenОпштина Крушево апелира до граѓаните и гостите во текот на утрешниот пикник во природа да ја зачуваат животната средина и отпадоците да ги фрлаат на соодветно место. Треба да работиме заеднички за подобра хигиена во нашиот гради и заедно да ја подигнеме свеста за одржување на јавната чистота.

Општина Крушево и јавното претпријатие „Комуна“ активно работат на подобрување на сликата за Крушево и на доопремување и дооспособување на комуналното претпријатие задолжено за јавната чистота. Паралелно со тоа, потребно е и граѓаните да се вклучат во одржувањето на нашата средина.

Share

Се исплаќа првата рата за избирачките одбори од последните избори

izbori 2017

Општина Крушево од денес започнува со исплата на првата рата за членовите на избирачките одбори од локалните избори во 2017 година.

Градоначалникот на Општина Крушево Томе Христоски најавува дека до наредниот месец најверојатно во целост ќе се исплатат долговите кон членовите на избирачките одбори од последниот изборен циклус.

„Иако станува збор за голема сума кога ќе ја земеме во предвид финансиската состојба и буџетот на локалната самоуправа, сепак овие трошоци мора да се подмират и во најбрз можен рок членовите на одборите ќе си ги добијат своите пари. Денес ја исплаќаме првата рата од тие средства“, порача Градоначалникот Христоски.

Исплаќањето на првата рата ги опфаќа следните избирачки одбори: 1187, 1187/1, 1188, 1189, 1190, 1191, 1192, 1193, 1194, 1195, 1196.

 

Share

Граѓаните да ги подмират своите долгови кон Општина Крушево

Лого

Почитувани сограѓани,

Апелираме до Вас во најкраток можен рок да ги исплатите Вашите обврски кон Општина Крушево во форма на фирмарини, закуп и различен тип на даноци.

За да може локалната самоуправа да фунцкионира регуларно Ве повикуваме да ги подмирите Вашите долгови и со тоа да ги избегнеме сите методи на присилна наплата.

 

Share

Тендер за набавка на услуга од авторска агенција

Лого

Општина Крушево објавува тендер за сукцесивна набавка на услуга од авторска агенција за потребите на Општината во период од 12 месеци.

Огласот за јавна набавка можете да го погледнете на следниот линк, а во документ прикачен на оваа објавка ќе ја најдете поедноставената тендерска документација за јавната набавка.

2-Тендерска-авторска агенција

Share

ОТЧЕТ 100 ДЕНА: Реализирани важни проекти, долгот намален, решавање на клучните проблеми на граѓаните

Томе Христоски

Во првите 100 дена од стапувањето на функција на Градоначалникот на Општина Крушево Томе Христоски локалната самоуправа реализира низа проекти важни за општината и во првите 2 месеци го намали долгот за речиси 2 милиони денари

Од стапувањето на функција на 24 октомври 2017 година до 31 декември 2017 година Градоначалникот Томе Христоски го намали долгот за речиси 2 милиони денари, а во меѓувреме ги исплати долговите кон советниците и членовите на избирачките одбори од  3 изборни циклуси и се откажа од надоместоците при службените патувања.

Во првите сто дена се набави ново противпожарно возило и со тоа се опреми и осовремени противпожарната единица во Крушево.

Се обезбедија пари за целосна реконструкција на патните правци Крушево-Кривогаштани и Крушево-Демир Хисар.

Во соработка со фабриката за производство на масло од канабис „5 Летерс“ се оспособи резервоар за вода во близина на Трстеник кој реши уште еден голем проблем за постоечките фабрики и идните инвеститори во индустриската зона „Сува Река – Опаленик“. Овој резервоар ќе ги снабдува со вода сите погони во и околу индустриската зона.

Градската кафеана повеќе нема да биде само руина, таа е продадена на сопственикот на „Фалко“ кој ќе ги прошири капацитетите и ќе отвори нови работни места.

Преку Агенцијата за туризам локалната самоуправа обезбеди вештачка трева која ќе биде поставена на полетиштето за одржување на 10-тината параглајдинг натпревари ова лето.

По иницијатива на Градоначалникот и локалната самоуправа Општината обезбеди скоро милион и пол денари за годишната културна програма на градот и околу 800 илјади денари за спомен куќата на нашиот Тоше и историскиот музеј.

Го подобривме уличното осветлување и значително ги намаливме трошоците за истото, каналите во населените села се чистат и овој процес ќе продолжи кон село Бучин и останатите села од овој предел на општината.

По примерот на владата и општина Крушево е целосно транспарентна и отворена кон граѓаните. Назначивме лице за комуникација со млади, потпишавме меморандум за соработка со Finance Think за подобрување на транспарентноста и комуникацијата со граѓаните.

Градоначалникот Христоски и неговиот тим продолжуваат да работат во интерес на граѓаните. Подобрување на туристичката понуда, придвижување на локалниот економски развој и отворање на нови работни места се приоритетите на новата локалната самоуправа и Градоначалникот Христоски.

Share

Граѓаните да не паркираат на коловоз и да не ја попречуваат работата на „Комуна“

Општина Крушево ги замолува граѓаните да не ги паркираат своите возила на коловозот низ градот за јавното претпријатие „Комуна“ да може навремено и редовно да ги чисти улиците од наврнатиот снег.

Како алтернатива, местото Гумење е исчистено од страна на јавното претпријатие „Комуна“ кое може да послужи како паркинг, заедно со градските паркиралишта околу пазарот.

Полициската станица во Крушево известува дека во наредните денови ќе преземе соодветни мерки доколоку возила бидат затекнати на коловозот и ја попречуваат работата на комуналното претпријатие во чистење на снегот.

Исто така, неопходно е граѓаните на Крушево да ги отстранат нерегистрираните и хаварисаните возила од коловозот, со што трајно би се решил проблемот со паркираните возила по улиците.

Share

340 000 денари за „Тодор Проески“ и пола милион денари за Историски музеј Крушево од Министерство за култура

Tose 2

За спомен куќата „Тодор Проески“ Министерството за култура во својата годишна програма одделува 340 000 денари по различни ставки: за заштита при електрични празнења и прекин на електрично напојување, фотографија за Тоше, изложба за живот и дело на Тоше и вајарство за Тоше и спомен куќа.

Што се однесува до Историскиот музеј Крушево Министерството превидува нешто повеќе од пола милион денари за промена на озвучување и осветлување во споменик „Илинден“, осовременување на музејската постава во Музејот на НОБ како и заштита на музејска документација,  промоција на којунџискиот занает во Крушево, поставување на таван во две простории во Музеј на Илинденско востание, за фамилијата Гули во борбата за македонска државност и други.

За манифестацијата НКС „10 дена Крушевска Република“ Ресорното министерството доделува пола милион денари, а за годишната програма за култура на Општина Крушево речиси 1 милион денари, односно 956 000 денари.

Годишната програма на Министерството за култура можете да ја најдете на официјалната страна на Министерството за култура: http://kultura.gov.mk/

Share

Општина Крушево додели средства на семејствата со опожарени куќи

krusevo

Општина Крушево додели симболични финансиски средства за опожарените куќи на неколку семејства од населените места Белушино, Борино и Пресил.

Куќите беа опожарени минатото лето, а Општина Крушево во рамките на своите можности финансиски им помогна на овие семејства.

Share