Почетна » Соопштенија

Архива на објави: Соопштенија

Работиме на подобро улично осветлување, во тек е тендерска постапка

Почитувани,

До Општина Крушево и Градоначалникот Томе Христоски деновиве пристигнаа повеќе известувања и поплаки околу осветлувањето во Општина Крушево.

Ве известуваме дека во тек е тендерска постапка за уличното осветлување во Општина Крушево и веднаш штом постапката е завршена сите санации ќе бидат направени од новиот изведувач и граѓаните на Општина Крушево ќе добијат соодветно улично осветлување.

Договорот за услуги со досегашниот изведувач заврши на 31-ви октомври 2017 година и тоа е причината што има одредени слабости во уличното осветлување.

Ве повикуваме на трпеливост и Ви се извинуваме за неприликите со кои се соочувате.

Со почит,

Општина Крушево,
Градоначалник
Томе Христоски

Сподели

Дочекот на Нова година се откажува, парите ќе се искористат за патна инфраструктура

krusevo-3Локалната самоуправа дочекот на Новата 2018 година ќе им го препушти на локалните кафулиња, дискотеки, пицерии, ресторани и хотели.

Заради тешката финансиска состојба во која се наоѓа општинската каса одлучивме овие пари да ги искористиме за поприоритетни работи, како што е подобрувањето на патната инфраструктура во Крушево и во населените места.

На 31-ви декември 2017 година Општина Крушево ќе организира скромен коктел, додека вечерните забави и настани ги препушта на локалните претприемачи од угостителскиот сектор.

Со овој чекор сакаме и да потенцираме дека организацијата на настан како што е дочекот на Нова година треба да ги опфаќа и населените места, а не само жителите на град Крушево.

 

 

 

Плаќањето на туристичката такса е придонес за подобра туристичка клима

paraglajderstvo

Почитувани,

Во општина Крушево нотираме дека оваа година, 2017, парите уплатени за туристичка такса се драстично намалени во споредба со статистистичките показатели за бројот на туристи кои го посетиле градот и отседнале во категоризираните туристички објекти.

Средствата од туристичката такса што туристичките работници ги уплаќаат, локалната самоуправа ги инвестира во подобрување на туристичката клима, тоа значи дека парите на претприемачите што се обврзани да ги наплатат од туристите согласно Законот за привремен престој на домашни и странски туристи и Законот за угостителство се користат за подобрување и зголемување на нивната работа.

Она што во општина Крушево го нотираме е дека оваа година, 2017, парите уплатени за туристичка такса се драстично намалени во споредба со статистистичките показатели за бројот на туристи кои го посетиле градот и отседнале во категоризираните туристички објекти.

Оттука, ги повикуваме сите сопственици на туристички објекти кои се’ уште ја немаат уплатено туристичката такса да ја исполнат оваа законска обврска. Овие средства општина ги реинвестира во локалниот туризам и наменски се користат за промоција, подобрување на инфраструктурата и организирање на настани кои ќе ја збогатат туристичката понуда на градот.

Ги известуваме граѓаните дека постапката за категоризација на туристички објекти продолжува, а за подетални информации за регистрирање на туристички објекти ги молиме граѓаните да се обратат до надлежните во општина Крушево.

ЈАВЕН ПОВИК за доставување на иницијативи за изработка на урбанистички планови на територијата на Општина Крушево за 2015 година

Согласно  член 21 од Законот за просторно и урбанистичко планирање (Службен весник на РМ бр.199/2014, 44/2015), Градоначалникот на Општина Крушево го издава сдедното соопштение со кое се известуваат сите заинтересирани физички и правни лица на Општина Крушево дека е распишан ЈАВЕН ПОВИК  за доставување на иницијативи за изработка на урбанистички планови на територијата на Општина Крушево за 2015 година

ЈАВЕН ПОВИК за доставување на иницијативи за изработка на урбанистички планови на територијата на Општина Крушево за 2015г.

javen povik