Почетна » Вести

Архива на објави: Вести

Отворена фабриката за производство на печурки

DSC06319„Пан Груп Крушево“ веќе започна со производство и продажба на печурки, а сопственикот најавува дека во првата фаза ќе се вработат најмалку 15 луѓе.

Еден од менаџерите при обиколката на погонот изјави дека двојно ќе се зголемат капацитетите за производство, а во иднина се планира цела производствена хала, која во моментов е неискористена, да се адаптира за дополнително производство.

За градоначалникот на Општина Крушево Томе Христоски ова ќе придонесе за развој на прватниот сектор и ќе се зголеми побарувачката на работна сила.

„Ова е уште една инвестиција во Крушево која ќе ја зголеми вработеноста, а производството на печурка може да прерасне во уште еден бренд од Крушево“, потенцира Градоначалникот Христоски.

„Пан Груп“ е грчка инвестиција која по неколку години пауза повторно се реактивира на пазарот, а денес беше и осветена.

Share

Општина Крушево доби нов изведувач за уличното осветлување

ulicno

„ДК Електрик“ е новиот изведувач на обврските за уличното осветлување кој започнува со работа по завршената тендерска постапка.

Уличното осветлување ќе ја чини Општина Крушево само 260 000 денари, што е за шест пати поевтино во споредба со последниот изведувач „Економик Лукс“, на кој Општина крушево се обврзала да исплати милион и шесто илјади денари.

Градоначалникот на Општина Крушево потенцира дека Општината не смее да се расфрла со народните пари и секогаш да се труди да добива квалитетни услуги.

„Оваа тендерска постапка треба да е пракса на сегашната и секоја идна локална самоуправа – да добиваме квалитетни услуги за што е можно помала цена. Парите на граѓаните треба внимателно да се трошат и истовремено да се води сметка за квалитено извршување на задачите“, порачува Градоначалникот Христоски.

Цената која Општина Крушево ја понуди за обврските околу уличното осветлување беше милион и двесте илјади денари и преку јавно наддавање сумата се спушти до 260 илјади денари.

Share

Во 2018/2019 година – изградба на патишта, водоводи, канализации, училишта

krusevo

По одобрување на проектите на Општина Крушево во наредните 2018-та и 2019-та година очекуваме градот и населените места да доживеат градежна експанзија во областа на патната инфраструктура, водоводи, канализации, подобрување на условите во образованието, спортот и спортските активности.

Поголемиот дел од проектите на кои работиме се завршени, а дел се се’ уште во изработка, но Градоначалникот Христоски потврдува дека во наредните две години ќе се направи многу за граѓаните на Општина Крушево.

„Работиме напорно секој ден и најголемо внимание посветуваме на проектите од областа на патиштата, изградба на водоводи, канализации, од областа на здравата животна средина, образованието и спортот. Очекуваме во наредните 2 години Општина Крушево да доживее градежна експанзија во која ќе бидат вклучени сите населени места и градот“, потенцира Градоначалникот Христоски.

Христоски потенцира дека приоритни проекти се оние за вистинските потреби на граѓаните на Општина Крушево.

Share

Поставен нов директор во „Комуна“

Naum Ilieski

Новиот директор во неговата канцеларија

Наум Илиески е нов ВД директор во јавното претпријатие „Комуна“, започнувајќи со работа од денес, 6-ти декември, 2017 година.

Илиески на оваа позиција застанува на местото на Велко Крстески, неколкугодишен раководител на ова јавно претпријатие.

Наум Илиески е дипломиран економист и доаѓа од приватниот сектор.

Share

Џез музика во Крушево – „Есенски џез караван“

Jazz-karavan-krusevo-poster-683x1024

Во петок, 8-ми декември, во спомен куќата „Тодор Проески“ се одржува Есенски џез караван со почеток во 16 часот на кој ќе настапат Белучи Квартет, Иван Иванов Квинтет и Кабадајас.

Овој настан е во организација на Здружението на џез музичари и е дел од проектот „Топол културен бран“ поддржан од Министерството за култура на Република Македонија.

Како дел од овој Караван се одржаа три концерти ширум земјава и тоа во Делчево, Богданци и Пробиштип.

 

Share

Христоски: Лицата со посебни потреби се дел од нас, заслужуваат еднакви шанси

DSC06278

Градоначалникот на Општина Крушево Томе Христоски заедно со В.Д. директорката на Центарот за социјални рбаоти во Крушево Цули Кузманоска беа дел од прославата на меѓународниот ден на лицата со посебни потреби 3-ти декември организиран од Дневниот центар за децата со посебни потреби.

Прославата се одржа на 4-ти декември, понеделник, во една од локалните пицерии во Крушево, а Градоначалникот Христоски на децата од Дневниот центар им подели колачи во знак на внимание и гест кон овие деца.

„Децата со посебни потреби се дел од нашето општество и нашата мала средина во Крушево. Тие заслужуваат и мора да имаат идентична социјализација и вклученост како и останатите припадници на нашата Општина. Ова е само еден мал гест и едно мало внимание кон децата со посебни потреби“, потенцира Христоски.

Заедно со В.Д. директорката на Центарот за социјални работи изразија задоволство што беа дел од овој настан на Центарот за згрижување на децата со посебни потреби од Крушево.

Share

Општина Крушево ќе плати 2 000 евра за личните пресметки на екс-градоначалникот

Pleteni-masi-i-stolici

Општина Крушево треба да исплати оштета од 108 илјади денари на „Ата Г & Б“ заради штетата која и била нанесена на ова претпријатие при поставување на маси и стоилици на отворено, на место доделено на кафулето.

На „Ата Г & Б“, од страна на доскорешната локална самоуправа, и бил скратен просторот за поставување на маси и столици.

По оваа одлука одлучи Управниот суд на Република Македонија, а во сумата од 108 илјади денари не се вклучени неизбежните трошоци направени додека се водел спорот.

За Градоначалникот на Општина Крушево, Томе Христоски, ова е резултат на личните пресметки и тврдоглавоста на поранешниот градоначалник Ѓорѓи Дамчески.

„Овие 108 илјади се резултат на личните пресметки на Дамчески со екс-градоначалничката на Крушево Лефкија Гажоска и заради тоа граѓаните ќе треба на „Ата Г & Б“ да исплатат повеќе од 2 000 евра, вклучувајќи судски трошоци“, изјави Христоски.

Претходно, додека Ѓорѓи Дамчески се’ уште раководеше со локалната самоуправа од негова страна и од овој портал беа изнесени клевети кон сопругот на Лефкија Гажоска, Миха Гажоски, за кои потоа екс-градоначалникот иавно се извинуваше.

Share

„Комуна“ работи на поплавениот пат меѓу Норово и Алданци

По пријава и реакции на граѓани од населените места Норово и Алданци јавното претпријатие „Комуна“ излезе на терен и работи на поплавениот пат меѓу овие две села.

Од „Комуна“ во најбрз можен рок ќе се обидат да најдат решение за овој проблем и да ги заштитат граѓаните од понатамошно поплавување на овој дел.

Оваа природна појава зборува многу за лошата патна инфраструктура во овој регион. Градоначалникот најавува што побрзо пристапување кон овој проблем и кон целосно решавање на егзистенцијалните проблеми за граѓаните..

Share

Национален форум на градоначалници: ефикасна и услужна општина

izgrev 3

Градоначалникот на Општина Крушево на 30-ти и 1-ви декември присуствува на националниот форум на Градоначалници, во организација на ЕУ, Влада на РМ и Програмата за развој на Обединетите нации (UNDP), хотел Изгрев, Струга.

Целта на овој Форум е враќање на децентрализацијата во фокусот и приближување на општинската администрација до граѓаните.

За Градоначалникот Христоски ова е одличен настан кој директно ги таргетира граѓаните.

„Во предизборието се заложивме за евтина и услужна општина, блиска до граѓаните и овој Форум го прави токму тоа – не’ подучува како да ја направиме локалната администрација ефикасна и блиска до граѓаните“, изјави Градоначалникот на Општина Крушево.

 

Share

Претходната власт потрошила скоро 4 илјади евра во продавници за 10 месеци, долг уште 3 илјади

Prodavnica

Во првите 10 месеци од 2017 година во крушевските продавници за колонијал општина Крушево потрошила неверојатни 226 268 денари или околу 3 700 евра, а новата локална самоуправа должи дополнителни 181 998, односно околу 3 илјади евра.

 Ова се пари на граѓаните потрошени за производи како тоалетна хартија, разни видови на крпи за чистење, кафе и слично во само 10 месеци.

Новата локална самоуправа веќе започна со отплаќање на овој долг кон дел од крушевските продавници.

Претходно објавивме дека за рекламирање во два медиуми претходната локална самоуправа потрошила над 6 000 евра, а за репрезентација во 3 локални угостителски објекти 200 илјади денари.

Веднаш по преземањето на функцијата Градоначалникот Томе Христоски се откажа од надоместоците кои му следуваат при службените патувања, се скратија сите непродуктивни трошења и општината почна да ги подмирува своите долгови.

Share