Почетна » Вести

Архива на објави: Вести

Започна имплементацијата на проектот Општинско–корисна работа

Проектoт „Поддшка на заедницата и подобрување на квалитетот на живот на граѓаните на Општина Крушево“ е четврт проект на Општина Крушево од програмата Општинско-корисна работа  во која  ќе бидат ангажирани 5 невработени лица, распоредени во двете основни училишта на територијата на Општина Крушево – ООУ „Никола Карев“ Крушево и ООУ „Св. Кирил и Методиј“ с.Бучин.

Нивниот ангажман е во насока на совладување на наставниот материјал на одредена категорија на деца, а проектот ќе трае 8 месеци.

Придобивките за општината се од големо значење како за локалната самоуправа така и за ангажираните лица преку:

  • Ангажирање и обезбедување социјална вклученост на лицата кои потешко се вклучуваат на пазарот на трудот преку работно ангажирање со скратено работно време заради стекнување на одредени вештини;
  • Зголемување на понудата на социјалните услуги согласно потребите на населението;
  • Помош за жителите на територијата на локалната самоуправа, преку обезбедување на услуги од социјална сфера.

Овој проект е дел од Оперативен план за активни програми и мерки за вработување и услуги на пазарот на труд за 2017 година, а се остварува во соработка со  Програмата за развој на обединетите нации – УНДП.

 

 

 

Сподели

НОВИ РАБОТНИ МЕСТА ЗА ГРАЃАНИТЕ НА ОПШТИНА КРУШЕВО

Приватниот инвеститор  „5 – Leters“ ДОО – Ресен, компанија со американски капитал,  свечено го отвори погонот за производство на медицинско масло од канабис, стопански капацитет лоциран во близина на индустриската зона  Опаленик во Општина Крушево.

Самото отворање на погонот значи и отворање на нови 200 работни места за граѓаните на Општина Крушево, отворање на нови работни места за економски препород на Крушево.

 

ДЕМАНТ по повод објавата дека се злоупотребуваат службени возила од страна на ЈП “Комуна” Крушево

Изричито демантираме дека се врши злоупотреба на службени возила на ЈП “Комуна” .

Возилото за собирање на смет на ЈП Комуна Крушево беше во Кривогаштани по предходно добиено барање од страна на ЈП Пелагонија Кривогаштани  за помош во одржување на хигиената во општина Кривогаштани.

 Секогаш ќе бидеме подготвени за помош и соработка со соседните општини  во интерес на граѓаните! 

Подолу  е  барањето за соработка и помош  на ЈП Пелагонија Кривогаштани од 06.10.2017г.

22359380_10210457194128705_842871748_n

ООУ “Св.Кирил и Методиј” од Бучин ја одбележа Светската недела на детето

Со мотото “Детство, радост, насмевки”, ООУ “Св.Кирил и Методиј” Бучин ја одбележа Светската недела на детето.

По тој повод првачињата од Бучин, Пресил и Свето Mитрани положија свечена заклетва и беа примени во Детската организација.

Убавиот ден го надополнија со групно летање на змаеви надевајќи се дека шаренилото и разиграноста на змаевите како и насмевките на детските лица,  ќе бидат настан кој ќе им прерасне во една убава традиција на училиштето.

Одбележан патрониот празник на СОУ „Наум Наумоски-Борче“ Крушево

Со пригодна програма од страна на учениците и професорите од СОУ „Наум Наумоски-Борче“ Крушево, беше одбележан патрониот празник на средното општиснко училиште.

Во своето обраќање, директорот Фаница Николоска ги презентира тековните и идни проекти на училиштето за чија реалзиација се посветуваат и професорите и самите ученици, како и постигнатите резултати на многубројните домашни и меѓународни натпревари.

Доделени беа и награди за ликовниот и литературниот конкурс кој секоја година училиштето го објавува по повод патрониот празник, како и дипломи за остварените успеси во областа на спортот.

 

Инвеститорот СЕКЕ СА заедно со изведувачот, на локацијата каде што ќе се гради стопанскиот капацитет

Отпочнато со околчување на парцелата и припремните работи.

Крушево домаќин на Интернационален натпревар во ориентација

На ден 29-ти септември, петок, со старт во 15:00 часот, Ориентациониот клуб „Златоврв“ од Прилеп ќе организира Интернационален спортски натпревар во ориентација во Крушево.

Оваа година, на шестиот по ред натпревар,  ќе се натпреваруваат околу 200 натпреварувачи од 14 земји од Европа и други континенти.

Со овој настан, Крушево уште еднаш се става на мапата на екстремните спортови и станува главен туристички центар на голем број посетители, вљубеници во овие спортови.

Освен промоција на Крушево со целокупната своја туристичка понуда како центар за екстремни спортови, целта на овој натпревар е и промоција и доближување на овој спорт до што повеќе граѓани и запознавање со убавините и предизвиците на овој спорт.

МЛАДИТЕ СЕКОГАШ ВО ФОКУСОТ НА ОПШТИНА КРУШЕВО

На денешниот тренинг на најмладите играчи на ФК „Питу Гули“, Градоначалникот на Општина Крушево, Ѓорги Дамчески им подари маички со амблемот на Општина Крушево и амблемот на ФК „Питу Гули“ како поттик за нивниот натамошен напредок.

НА ПОВИДОК НОВА, ЧЕТВРТА ИНВЕСТИЦИЈА ВО БЛИЗИНА НА ИНДУСТРИСКАТА ЗОНА „ОПАЛЕНИК“

На денешниот состанок на Градоначалникот на Општина Крушево, Ѓорги Дамчески и сопственикот на „Еко Шар“ ДОО – Тетово, Џеваир Османи е потпишан договор за регулирање на меѓусебните односи  при изготвувањето на локална урбанистичка планска документација за оформување на градежни парцели и утврдување на услови за изградба и реновирање на стопански капацитети во мв „Кореница“, КО Алданци, Општина Крушево.

Стопанскиот капацитет ќе биде со намена за откуп и преработка на млеко и млечни производи од асортиманот на млекарата „Еко Шар“. Се предвидува откуп на 60 тони млеко на дневна основа и негова преработка.

Нов стопански капацитет и нови работни места.

04

Одбележан 8-ми Септември, Денот на ослободувањето на Крушево и Денот на независноста на Република Македонија

Со полагање на свежо цвеќе пред спомениците на паднатите херои од НОВ и со свечена седница на Советот на Општина Крушево,  одбележан беше празникот 8-ми Септември- Денот на ослободувањето на Крушево и Денот на независноста на Република Македонија.

Со Одлука на Советот на Општина Крушево наградата 8-ми Септември, како највисоко општинско признание што Општина Крушево го доделува по повод 8-ми Септември – Денот на ослободувањето на Крушево и Денот на независноста на Република Македонија, се додели на SEKE S.A. Xanthi, Грција и тоа за посебен придонес во областа на економскиот развој и афирмација на Општина Крушево.

Градоначалникот Ѓорги Дамчески  исто така додели повеќе пофалници и признанија на здруженија на граѓани и поединци кои со своето работење придонеле за афирмација на Крушево како туристичка дестинација како и пофалници на учениците од ООУ „Никола Карев“ кои покажале посебен успех и се стекнале со признанија и награди во текот на учебната 2016/2017 година.

Пофалници и симболични финансиски средства на најдобрите ученици-првенци на генерација 2016/2017 година.

Признание по повод 8-ми Септември на нашите сограѓани Владо Лазарески, Василика Костадиноска и Сандо Мојчески за посебен придонес во афирмација и реализација на манифестацијата„ Крушево Етно град“.

Признание по повод 8-ми Септември на организацијата на жени „ЦВЕТ“ од Крушево за посебен придонес во афирмација на Општина Крушево во областа на културата и промоција на традиционалните културни вредности.

Пофалница на здружението на граѓани „СИНИЈА“ од Охрид за посебен придонес во афирмација на Општина Крушево во областа на културата, спортот и унапредување на животната средина преку реализација на фестивалот на отворено „WHEN IN KRUSEVO“.

Свечената седница беше збогатена со културно-уметничка програма организирана од учениците, наставниците и професорите на ООУ„Никола Карев“ и СОУ „Наум Наумовски-Борче“ Крушево.

Чествувањето продолжи вечерта со отворање на изложбата на слики „Цвеќе на мирот“ на Живко Поповски – Цветин кој во Домот на култура „Наум Наумовски Борче“ по повод 8-ми Септември испрати уметничка порака за мир.  Од вкупно 33 слики, 21 „цвеќе на мирот“  ќе бидат подарени на галеријата „Никола Мартиновски“. Изложбата беше збогатена со поезијата на поетесите од новоформираното друштво на писатели од Крушево.