Почетна » Вести

Архива на објави: Вести

Започна асфалтирањето на повеќенаменското и тениските игралишта

Започна асфалтирањето на повеќенаменското и тениските игралишта на спортско – рекреативниот центар „Гумење“.

Сподели

Интензивно се работи на изградбата на спортско-рекреативниот центар „Гумење“

Крај Крушевското езеро, до новата викенд населба интензивно се гради мултимедијален спортско-рекреативен центар.
Инвестицијата е вредна 25 милиони денари кои се обезбедени преку Агенцијата за млади спорт.
Станува збор за три спортски објекти: фитнес зона, двоен терен за тенис и повеќенаменско игралиште, а градежните работи се очекува да завршат до крајот на месец јуни.
Спортско-рекреативниот центар е од особена важност за Крушево и развојот на спортскиот туризам, со тоа што би прераснал во атрактивна туристичка дестинација.

 

SPORTSKI TERENI

КРУШЕВО ДОБИ ФИТНЕС ЗОНА

Во Крушево е отворена првата Фитнес зона на отворено, што е дел од проектот на Агенцијата за млади и спорт за изградба на вкупно 20 на територијата на Р.М.

Оваа зона сега ќе биде составен дел на спортско-рекреативниот комплекс „Гумење“ каде во завршна фаза е и изградбата на едно повеќенаменско и две тениски игралишта.

Изградбата на фитнес зоните е дел од 40-те мерки за млади од програмата на  ВМРО-ДПМНЕ.

 

фитнес зона

 

Состанок на Заедничкиот консултативен комитет меѓу Република Македонија и Европската унија, претставуван преку Комитетот на региони во Брисел, 31.05-01.06.2017

Градоначалниците од општините Крушево, Аеродром, Василево, Петровец, Пехчево, Новаци и Македонски Брод присуствуваа на 14-от  работен состанок на Заедничкиот консултативен комитет меѓу Република Македонија и Европската унија, претставуван преку Комитетот на региони како и на третата пленарна седница на Денот на проширување (Enlargement Day) на која присуствуваа делегатите на ЗКК на Македонија, Србија и Црна Гора, како и членовите на работните групи на Турција и Западен Балкан.

Работните состаноци со одржаа во Брисел од 31.05. до 01.06.2017г.

 

Во завршна фаза градежните активности за изградба на спортската сала во с.Бучин

Се поставува осветлување и парно греење, а во наредните 30 дена ќе се работи на подната подлога и поставување на потребните спортски реквизити со што салата ќе биде спремна за користење.

Исто така,  во тек е измена на Деталниот урбанистички план за изградба на нова спортска сала во Крушево со локација до СОУ „Наум Наумовски – Борче“ како и изготвување на планска документација за изградба на кошаркарско игралиште во с.Саждево.

 

 

 

Одржано Државно ридско првенство во велосипедизам 2017г.

Под покровителство на Општина Крушево,  а во организација на Велосипедскиот клуб „Илинден 2007“  и  Велосипедската федерација на Македонија, се одржа Државното Ридско првенство во велосипедизам 2017г.

Трката започна од Кривогаштани, а заврши кај манастирот „Св. Преображение“ – Крушево.

Подоцна, со свечена церемонија, на Градскиот плоштад во Крушево беа прогласени најдобрите натпреварувачи.

 

Одбележана 112 годишнината од загинувањето на Никола Карев, Претседателот на Крушевската Република

Во месноста Свиланово,  во билизина на селото Рајчани беше одбележана 112-годишнината од загинувањето на Никола Карев, Претседателот на Крушевската Република.

Делегации составени од Градоначалниците на пет општини како и од основните училиштата од Крушево и Кочани кои  го носат името на учителот  Никола Карев, претставници од семејството Кареви од Крушево и претставници од НУ „Историски музеј“ – Крушево, оддадоа заслужена почит на големиот илинденец.

ИЗВЕСТУВАЊЕ за продолжување на рокот за поднесување барања за користење на простор на јавна површина

krusevo

Се известуваат сите правни и физички лица кои се заинтересирани за закупување на простор пред деловни простории на јавни површини дека рокот за поднесување на барањата е продолжен до 02.05.2017год.

Заинтересираните лица е потребно да достават барање до Општина Крушево и во прилог да ги достават потребните документи:

  • Извод од регистарот на дејности;
  • Налог за платени административни такси;
  • Употребна дозвола;
  • Прецизен опис на комерцијалните услуги кои ќе ги дава на јавната пешачка површина;
  • Согласност за исполнување на минимално техничките услови за вршење на дејноста;
  • Скица од просторот кој се бара да биде одобрен.

Традиционални велигденски игри – Велигден во Крушево

Учениците од IIа одделение од ООУ „Никола Карев“ Крушево му посакаа среќни велигденски празници на Градоначалникот на Општина Крушево

По повод престојните Велигденските празници, учениците од IIа одделение од ООУ „Никола Карев“ Крушево  го посетија Градоначалникот на Општина Крушево подарувајќи му прекрасни велигденски изработки, изработени од вредните рачиња на учениците и нивната наставничка  Надежда Маркоска. Рецитирајќи велигденски песни посакаа среќни велигденски празници.

Градоначалникот се заблагодари за вниманието и искажувајќи пофалби за креативноста на учениците им посака успех во учењето, добро здравје, среќа и безгрижно детство.