Ликовна изложба, модни креации и „Музички спектакл“

Третиот ден од Манифестацијата Научно културни средби „Десет дена Крушевска Република“ помина во знакот на ликовната уметност, презентација на модни креации и музички концерт во чест на Тоше Проески.

Влатко Груевски и Андреј Наунов, летна сцена (03.08.2021)

Пред споменикот Македониум се одржа ликовна изложба и презентација на модни креации подготвени од студенти од Технолошко техничкиот факултет, катедра за архитектура и дизајн при Универзитетот „Гоце Делчев“ Штип. Модните креации беа претставени од учесници од факултетот и млади од Крушево.

Ликовна изложба и модни креации, споменик Македониум, 03.08.2021

Веднаш по завршувањето на овој настан на т.н. „летна сцена“ во рамки на Музејот на НОБ се одржа концерт насловен како „Музички спектакл“ од Влатко Груевски тенор и Андреј Наунов на пијано. Концертот како и секоја година е посветен на музичката ѕвезда Тоше Проески.

Влатко Груевски и Андреј Наунов, летна сцена (03.08.2021)

Денес, во рамки на 4-от ден од Манифестацијата, ќе се одвива програма на влашката заедница со почеток во 20 часот на летна сцена.

Share

Извештај и Одлука за доделување на средства на здруженија и фондации од Буџетот на Општина Крушево

Share

„Крушево низ корија“ на 14 и 15 август

Фестивалот на отворено „Крушево низ корија“ оваа година ќе се одржи на 14-ти и 15-ти август, а општината ќе го поддржи овој настан како и секоја година.

Денеска градоначалникот на општина Крушево Томе Христоски одржа средба со организаторите на „Крушево низ корија“ на која беше претставена програмата за оваа година и периодот на одржување. Фестивалот содржи тури со велосипед и вечерна забава, а истиот привлекува стотици туристи секоја година.

„Летото полека започнува и настаните се рестартираат. „Крушево низ корија“ ќе се одржи во август и драго ми е што продолжуваме со активностите кои најмногу привлекуваат туристи во нашиот град. Овој фестивал на отворено е уште еден настан кој со години се одржува тука и содржи адреналински активности и вистинско доживување на природата на Крушево.“, изјави градоначалникот Христоски по средбата.

Share

Утре ден без автомобили

Ученичката заедница при СОУ „Наум Наумовски Борче“ со поддршка на општина Крушево утре, 22.09.2020г., организира активност за одбележување на ден без автомобили.

Преку социјалните мрежи ученичката заедница ги повикува сите граѓани да се приклучат за утрешната активност со тоа што нема да ги користат автомобилите доколку немаат итна потреба.

„Почитувани граѓани на Општина Крушево,

Ве известуваме дека ученичката заедница при „ СОУ Наум Наумовски – Борче “ Крушево, на ден 22.09.2020 (утре), организира активност по повод светскиот ДЕН БЕЗ АВТОМОБИЛИ и Ве повикува да се приклучите и да дадете свој придонес, со тоа што не би ги користеле Вашите автомобили, доколку не Ви е неопходно или не Ви претставува потреба.

Однапред Ви се заблагодаруваме за Вашата поддршка и придонес и исто така упатуваме голема благодарност до Градоначалникот на Општина Крушево и до останатите институции кои веќе ни ја дадоа нивната поддршка.

И ние ќе бидеме тука, од 08:00 часот, ќе Ве чекаме на главната улица со цел да ја поттикнеме нашата заедничка еколошка свест, за почисто Крушево!“, стои во објавата на страницата на „Фејсбук“ на крушевското средно училиште.

Share

Уредување на улица Тодор Проески – Фаза 1

Со посадување на дрвца се спроведе првата фаза од уредување на дел од улицата Тодор Проески во центарот на Крушево. Членките на здруженијата од платформата за развој на туризмот ќе продолжaт со засадување на цвеќиња, а општина Крушево започна со инсталација на систем за озвучување од кој 24 часа ќе се слушаат песните на Тоше Проески.

„Оваа улица сакаме да ја разубавиме и да ја направиме улицата на Тоше. Истата се наоѓа во центарот на градот и ќе биде разубавена и атрактивна за посетителите на нашиот град. Сакам да се заблагодарам на сите волонтери, а особено не членките на здруженијата Центар за хумани односи, Крушевска жена и Здружение за туризам и угостителство за нивниот придонес во уредувањето на улицата“, изјави градоначалникот на општина Крушево Томе Христоски.

Share

Проекти во 2020

Во 2020 година општина Крушево имплементира неколку проекти, а до крајот на годината се планираат нови.

Реализирани

  1. Набавка на камион за чистење и метење, косилка и 21 контејнер
  2. Уредување на дворно место во подрачното училиште ООУ „Никола Карев“ во с. Норово
  3. Реконструирана спортска сала
  4. Дограден цевковод во с. Саждево
  5. Тампонирани улици во населените места

Планирани

  1. Реконструкција на 10 локални улици
  2. Реконструкција на регионален пат од Крушево до с. Пуста Река
  3. Реконструкција на регионален пат од Крушево до с. Сладуево
  4. Реконструкција на регионален пат Крушево – Кривогаштани
  5. Изградба на резервоар за вода во с. Белушино
  6. Изградба на канализација во с. Пресил
  7. Изградба на игралиште за мал фудбал во маалот „Струнга“, град Крушево
  8. Завршување со изградба на вечно почивалиште на Тоше Проески
  9. Инсталација на систем за греење и ладење во спортска сала Крушево
  10. Изработка на проект за гасификација на Крушево
  11. Изработка на стратегија за туризам
  12. Поставување на нова вештачка трева во параглајдинг центар Крушево
  13. Изградба на објект во параглајдинг центар Крушево
  14. Имплементирање на проект „Зајакнување на општински совети“
  15. Набавка на 25 контејнери
  16. Реконструкција на пат до с. Саждево, прва делница
  17. Реконструкција на дел од улица Питу Гули
Share

Уште 25 нови контејнери за општина Крушево

Објавен е тендер за набавка на 25 контејнери за општина Крушево. Оваа јавна набавка се спроведува заедно со организацијата ЛАГ Агро Лидер.

Тендерот можете да го погледнете на Електронскиот систем за јавни набавки на Бирото за јавни набавки на следниот линк: https://e-nabavki.gov.mk/PublicAccess/home.aspx#/notices

Ова е втора набавка на контејнери после набавката на 21 контејнер заедно со камион за метење и чистење и косилка.

Share

Во Крушево нема заразени од Ковид 19, 20 граѓани во домашна изолација

До 24.03.2020г. на територија на општина Крушево нема заразени од Ковид 19, а има дваесет (20) граѓани во домашна изолација.

„До овој момент на територија на општина Крушево нема потврдени случаи на Ковид-19, а имаме 20 граѓани во изолација. Таа бројка, како што знаете, е променлива, но важно е да останеме свесни за ситуацијата во која се наоѓаме, да ги почитуваме препораките кои секојдневно се засилуваат и заеднички да ја пребродиме оваа криза“, изјави градоначалникот на општина Крушево Томе Христоски.

Досега општина Крушево презеде низа мерки за спречување на ширење на корона вирусот:

  1. Општина Крушево свика Штаб за заштита и спасување на кој донесе 14 заклучоци кои содржат препораки и задолженија,
  2. Општината го скрати работното време, но воспостави телефонски броеви кои 24 часа се достапни на граѓаните за итни потреби,
  3. Во соработка со ОО Црвен Крст Крушево се формираат тимови од волонтери за достава на храна, вода, средства за хигиена и др. на стари и изнемоштени лица
  4. Градскиот пазар е затворен,
  5. Се дезинфицираше во општината, училиштата, градинката и неколку други институции,
  6. Локалната самоуправа ги снабдува институциите под нејзина надлежност со маски, ракавици и средства за дезинфекција,
  7. Неколкукратно се чистеа и дезинфицираа улиците во градот,
  8. Учениците од СОУ „Наум Наумовски Борче“ воспоставија „онлајн“ платформа за учење, а ООУ „Никола Карев““ користи и други алтернативни методи на настава.
Share

Турнир во мал фудбал во чест на Тоше, Христоски на средба со градоначалникот на Нова Градишка

Од 24-ти до 26-ти јануари во Скопје, во салата „Форца“, ќе се одржи турнирот во мал фудбал „Тоше Проески – 2020“ на кој ќе учествува и екипа од општина Крушево, а градоначалникот ќе оствари средба, меѓу другите, со градоначалникот на Нова Градишка Винко Грѓиќ.

Соработката меѓу Општина Крушево и Град Нова Градишка започна на 8-ми ноември 2018 година со потпишување на Договор за соработка, а Тоше Проески е она што ги спојува овие две општини. Соработката од 2018 година се интензивира, а турнирот во мал фудбал е уште еден настан во кој општина Крушево учествува, а е поврзан со Тоше.

„Воспоставивме добра комуникација и соработка со Нова Градишка и мојот колега-градоначалник Винко Грѓиќ затоа што Тоше Проески беше балканска поп икона и човек кој правеше добри дела насекаде. Заедно работиме на настани и проекти поврзани со нашиот Тоше, а во иднина ќе ја продлабочуваме соработката.“, вели градоначалникот Христоски.

Во Билтенот бр. 2 издаден од здружението Мандра стои и обраќање на градоначалникот Христоски во кој зборува за значењето на она што Тоше го направи во својот живот, а исто така во публикацијата пишува и за воспоставената соработка меѓу Крушево, Карпош и Нова Градишка благодарение на Тоше Проески.

Турнирот во мал фудбал е во организација на „Мандра“ со поддршка на општините Карпош, Крушево и Нова Градишка.

Share

When in Krusevo – Winter is Here од 14 до 16 февруари

Од 14-ти до 16-ти февруари во Крушево ќе се одржи фестивалот на отворено When in Krusevo – Winter is Here 2020. Ова е второ издание на овој фестивал и истиот вклучува рекреативна пешачка тура, зимско јавање на коњи, фото тура, зимски тандем параглајдинг, дегустација на уникатни крушевски специјалитети и секако чист воздух.

„Покрај ваквото рекреативно дружење секако дека не ја изоставивме и забавата. Предвидени се подиуми на ски терените како и во ресторан Алто со различни жанрови на музика, за да биде задоволен сечиј вкус на нашите посетители, за кои ќе се погрижат нашите локални DJ-и. Забавата ќе продолжи и во локалните крушевски барови Old School и Клуб Планет, каде што ќе настапуваат многу DJ-и  како и познатиот бенд Invictus.“, велат од здружението Аутдор Манифест кое се јавува како организатор на фестивалот.

Цената на билетот изнесува 500 денари и со самото купување на билетот секој учесник добива голем попуст за сместување во вилите и хотелите во Крушево, кои можете да ги погледнете на официјалната веб страна на фестивалот: http://winter.wheninkrusevo.mk/.

Покрај овој попуст за сместување со билетот доаѓаат и уште многу неверојатни понуди како тандем зимски параглајдин за само 1800 денари, зимско јавање на коњи за 500 денари, како и обезбедување на одличен попуст за дневна ски карта и бесплатен влез на ноќните журки.

Картите се во продажба и можете да ги набавите преку продажната мрежа на MK Tickets: https://mktickets.mk/, како и на платформата за outdoor активности When in X: :https://www.wheninx.com/.


Share
error

Следете не и бидете први што ќе дознаете за секоја новина во нашата општина!

  • Следете не!
  • Twitter
  • YouTube
  • Instagram