Почетна » Articles posted by Сотир Габелоски (Page 2)

Архива по автор: Сотир Габелоски

Градоначалникот Христоски и вработените во Општина Крушево Ви ја честитаат Новата година

cestitka opstina Krusevo 2018

Драги сограѓани,

Вработените во Општина Крушево и Градоначалникот Томе Христоски Ви ја честитаат Новата година со желби за здравје, среќа, љубов и многу успех.

Во Новата 2018-та година Ви посакуваме се најдобро за Вас, Вашите семејства и фамилии.

Градоначалникот Христоски честитајќи ја Нова година на сограѓаните посака успех и развој за Крушево.

„Во Новата година покрај среќата и здравјето за моите драги сограѓани од Општина Крушево сакам да им посакам успех и развој за Крушево кој сите заедно ќе го постигнеме. Само заеднички наредната Нова година ќе ја дочекаме уште поуспешни од сега“, изјави Градоначалникот на Општина Крушево.

Share

Младинскиот совет со подароци за најмладите на предновогодишната прослава

Локалниот младински совет на предновогодишната прослава во домот на културата во Крушево на најмладите им подари производи од Витаминка, кои компанијата ги донира за новогодишните празници.

Вчерашната предновогодишна прослава беше организиран од страна на ЈОУГД „Гонча Туфа“, ООУ „Никола Карев“ и СОУ „Наум Наумовски Борче“ во соработка со локалната самоуправа.

Share

Предновогодишна прослава во Домот на културата и гимназија, општината додели 3 000 денари

Градоначалникот на Општина Крушево Томе Христоски заедно со претставници од локалната самоуправа денес присуствуваа на предновогодишната прослава во домот на култура „Наум Наумовски Борче“ и во СОУ „Наум Наумовски Борче“ каде што локалната самоуправа додели прва награда во износ од 3 илјади денари на лотаријата организирана од гимназијата.

На предновогодишната прослава во домот на култура со свои точки настапија децата од крушевската градинка „Гонча Туфа“, хорот од ООУ „Никола Карев“, хорот од СОУ „Наум Наумовски Борче“ како и многу други музички и рецитаторски точки во изведба на учениците од основното и средното училиште.

Градоначалникот Христоски исто така доби новогодишен подарок од учениците во крушевската гимназија, додека во лотаријата на гимназијата учествуваа крушевските продавници, ресторани и пицерии со свои донации доделени како награди на учениците.

 

Share

Градоначалникот на предновогодишна прослава во градинката и центарот за децата со посебни потреби

Градоначалникот на Општина Крушево Томе Христоски денес присуствуваше на предновогодишните прослави на ЈОУГД „Гонча Туфа“ и Дневниот центар за децата со посебни потреби.

Градоначалникот Христоски подели пакетчиња за децата со посебни потреби и доби новогодишна честитка од нив.

„На децата од детската градинка и од Дневниот центар им посакувам се најубаво во Новата година. Здравје, среќа и многу успех за сите“, им честиташе Градоначалникот на децата од градинката и дневниот центар.

Share

Советот избра нов командир на крушевската полициска станица

DSC06163

Никола Божиноски е избран за нов командир на Полициската станица од општа надлежност Крушево на денешната седница на Советот на општина Крушево.

Божиноски во изминатиот период беше помошник командир за сообраќајни работи, а на местото командир доаѓа по разрешувањето на Благојче Димшоски.

На денешната седница беше усвоена годишната програма на Локалниот малдински совет и донесен буџетот за наредната година.

Советниците од советничката група на ВМРО ДПМНЕ на оваа седница останаа воздржани.

Share

Дебата со младите за буџетот за 2018: Повеќе пари за спорт, туризам, извори на вода

debataВчера, 26-ти декември 2017, во Домот на културата „Наум Наумовски Борче“ се одржа дебата со младите за предлог-буџетот за 2018 година на која покрај присутните млади збор зедоа Градоначалникот на Општина Крушево Томе Христоски, претседателот на Советот на Крушево Тома Петроски, лицето за контакт со млади Сотир Габелоски и претставник на Finance Think Благој Ѓелевски.

Претседателот на Советот Тома Петроски порача дека предлог-буџетот за 2018 предвидува повеќе пари за туризмот, барање на извори на вода и спорт.

„За наредната година планираме милион и 60 илјади денари за развој на туризмот, додека за 2107 оваа ставка изнесувала 260 000 денари. За 2018 година за нови извори на вода предвидуваме 2 и пол милиони повеќе во споредба со 2017. Исто така и за спортот предвидуваме нешто над 2 милиони денари“, потенцира Петроски.

Градоначалникот Христоски изјави дека иако предлог-буџетот за 2018 година е помал од оној за 2017 сепак е развоен и најави дека Крушево го очекува градежна експанзија од пролет 2018 година.

„Буџетот е развоен. И покрај кредитите кои треба да се враќаат немаме намера да кратиме и да штедиме кога се работи за проблемите на граѓаните. Најавувам дека од на пролет започнуваме со градежни зафати на ниво на Општина Крушево“, изјави Градоначалникот Христоски.

Претставникот на Finance Think го претстави проектот финансиран од УСАИД „Мои пари – моја одговорност“ кој директно го вклучува Крушево и организирањето на дебати и форуми за креирање на граѓански буџетот, а со цел целосна транспарентност при трошењето на парите на граѓаните.

Вработеното лице во Општина Крушево за комуникација со млади Сотир Габелоски се осврна на проектите кои директно ги таргетираат младите.

„За реконструкција на спортската сала се предвидуваат 480 000 евра пари на Европската Унија, за реконструкција на горната училишна зграда од Агенцијата за поддршка на земјоделството и рурален развој обезбедени се 15 милиони денари и учество на Општина Крушево со 3 милиони денари. Исто така, очекуваме одобрување на проектот за изградба на училиште во село Саждево“, изјави Габелоски.

На дебатата присуствуваа претставници на Локалниот младински совет и претставници на проектот на Младински Сојуз – Крушево „Youth Friendly City“.

Share

Запознавање и дебата со младите за предлог-буџетот за 2018 година

debata buxet mladi

Денес во 16 часот во просториите на Домот на културата „Наум Наумовски Борче“ Општина Крушево организира запознавање и дебата со младите за Буџетот.

Градоначалникот на Општина Крушево Томе Христоски и лицето за комуникација со млади во Општина Крушево Сотир Габелоски ќе ја претставуваат локалната самоуправа, претседателот на Советот на Општина Крушево Тома Петроски како претставник на Советот и Finance Think институтот за економски истражувања и политики ќе има свој претставник на овој настан – Благој Ѓелевски.

На овој настан се поканети сите млади да земат активно учество и да се вклучат со свои предлози за предлог-буџетот за 2018 година.

Share

Предновогодишна прослава за најмладите

santa-claus-05

Во петок (29.12.2017) со почеток во 11 часот во Дом на култура „Наум наумовски Борче“ во Крушево ќе се одржи новогодишна прослава во организација на локалната самоуправа, детската градинка, основното, средното училиште и дневниот центар за децата со посебни потреби.

На овој настан со свои точки ќе настапат децата од ЈОУГД „Гонча Туфа“, ООУ „Никола Карев“ и СОУ „Наум Наумовски Борче“. Дел од прославата ќе биде и детската претстава „Вреќата на Дедо Мраз“ во изведба на фотостудио „Пинк“ и Народниот театар од Битола.

Прославата ќе заврши со скромен коктел во Домот на културата.

Ги покануваме сите ученици, млади од општината, како и родители да присуствуваат на оваа предновогодишна прослава.

Share

Христоски: Од денес активно работиме на решавање на проблемот со водоснабдувањето

borino 5

Градоначалникот на Општина Крушево на социјалните мрежи најави дека почнувајќи од денеска заедно со в.д. директорот на јавното претпријатие „Комуна“ Наум Илиески активно ќе работат на решавање на проблемот со водоснабдувањето и барање на алтернативни извори на вода.

Општината особено во летниот период се соочува со недостаток од вода, но и, како што најави Градоначалникот на Крушево, ќе се бараат можности за намалување на огромната потрошувачка на струја при испумпување на вода од пумпната станица во село Норово.

Од утре и во наредниот период во соработка со В.Д.Директорот Наум Илиески и вработените на ЈП “Комуна” Крушево започнуваме со барање на алтернативни извори на вода за пиење за град Крушево, и барање можности за надминување на проблемот со недостаток на водоснабдување на градот во екот на туристичката сезона од изворот “Студенчица”, со тоа и намалување на огромниот трошок за струја кој се прави на пумпната станица во с.Норово.“, напиша Градоначалникот Христоски на социјалната мрежа „Фејсбујк“.

 

Share

Општина Крушево набави ново пожарникарско возило

Општина Крушево преку Пелагонискиот плански регион, во соработка со Министерството за локална самоуправа набави ново пожарникарско возило.

Возилото е марка „Ивеко“, а е набавено со учество на Општина Крушево од 20 илјади евра.

Градоначалникот на Општина Крушево Томе Христоски порача дека општината мора да биде функционална, а дел од тоа е и противпожарната служба.

„Возило за противпожарната служба е неопходно и затоа набавивме целосно ново кое ќе биде веднаш ставено во функција. Општината мора да биде функционална, а од тоа не може да се исклучи противпожарната единица“, изјави Градоначалникот Христоски.

Share