Почетна » Articles posted by Сотир Габелоски (Page 2)

Архива по автор: Сотир Габелоски

Се одржа „Вечери во чест на Васил Иљоски“

Иванка и ТомеИзминатиот викенд, 09-10. јуни, во горната училишна зграда „Никола Карев“ за прв пат се одржа театарскиот фестивал „Вечери во чест на Васил Иљоски“.

Во рамките на овој настан се одиграа две претстави: „Чорбаџи Теодос“ во изведба на учениците од СОУ „Наум Наумовски Борче“ и „Солунски патрдии“ од учениците од ООУ „Јонче Смугрески„, Обршани.

На настанот присуствуваше и внуката на Васил Иљоски Иванка Иванова, која допатува од соседна Бугарија специјално за овој настан.

Како што беше наведено при отворањето на фестивалот тендецијата е „Вечери во чест на Васил Иљоски“ да се организира секој година и да прерасне во уште едно обележје за Крушево.

Share

„Чорбаџи Теодос“ во присуство на внуката на Васил Иљоски

Денес,09.06.2018, со почеток во 18:30 беше отворен настанот „Вечери во чест на Васил Иљоски“ со претставата „Чорбаџи Теодос“ во изведба на учениците од СОУ „Наум Наумовски Борче“.

На настанот присуствуваше внуката на Васил Иљоски Иванка Иванова која допатува од Бугарија за да присуствува на настанот во чест на нејзиниот роднина.

„Вечери во чест на Васил Иљоски“ продолжува утре со претставата „Солунски патрдии“ исто така во 18:30 часот.

Share

Се поставува нова вештачка трева на полетиштето на Мечкин Камен

На полетиштето на Мечкин Камен во Крушево се поставува нова професионална вештачка трева која ќе ги подобри условите за одржување на многу национални, меѓународни, Европски и Светски првенства во параглајдинг и змејарство.

Деновиве јавното претпријатие „Комуна“ е на терен и работи на поставувањето на новата вештачка трева.

Вештачката трева општина Крушево ја набава во соработка со Агенцијата за промоција и поддршка на туризмот и истата чини 1 200 000 денари.

Share

„Младински банки“ – студиска посета на Сараево, Босна и Херцеговина

BosnaВо најновиот број на е билтенот кој невладината организација Младински Сојуз – Крушево го издава можете да прочитате за посетата на претставникот на општина Крушево Сотир Габелоски на студиската посета на Сараево, Босна и Херцеговина – проект „Младинска банка“.

Во прилог можете да го погледнете изданието на Младински Сојуз во кое се наоѓа и написот за посетата во Сарајево.

annual Report (8)

Фотографија: Филип Иванов

Share

Со средства од Влада Општина Крушево ќе набави возило за комунален отпад

Службен весникОпштина Крушево заедно со општина Демир Хисар од Буџетот на Република Македонија добија 5 826 538 денари за набавка на возила за комунален отпад.

Проектот се однесува на заштитата на животната средина и туристичките потенцијали, а средствата се добиени преку програмата за развој на плнаските региони.

Градоначалникот на општина Крушево Томе Христоски порача дека преку овој проект ќе се адресираат едни од главните проблеми и потреби на општина Крушево.

„Со овие средства продолжуваме да работиме активно во рамките на општинската хигиена, животната средина, а преку тоа директно позитивно делуваме на туризмот. Исто така и Владата на Република Македонија со ова покажува дека се насочува кон решавање на најгорливите проблеми.“, порача градоначалникот на општина Крушево.

Share

Повик до граѓаните: Да се отстранат хаварисаните возила и да не се паркира непрописно

back_converted.jpgОд утре, 04.06.2018, локалната самоуправа и полициската станица во Крушево ќе започнат со отстранување на непрописно паркирани и хаварисани возила на улиците во градот. Градоначалникот на општина Крушево Томе Христоски порачува граѓаните да ги отстранат своите возила и да не паркираат непрописно и со тоа да помогнат во создавањето на поубава слика за Крушево како туристичка дестинација.

„Започнуваме координирана акција од страна на вработените во локалната самоуправа во соработка со МВР, Полициската станица во Крушево за отстранување на непрописно паркираните возила особено на влезот од Крушево, главната сообраќајница во градот, како и узурпација на места од страна на хаварисани, непрописно паркирани возила, делови и остатоци од превозни сретства на јавна површина и по улиците, раскрсниците, тесните грла, кои го нагрдуваат градот.“, порача градоначалникот Христоски.

Причината за оваа акција е што до градоначалникот на општина Крушево стигнуваат реакции од граѓаните за проблемот со возилата, но и заради подготовката за летната туристичка сезона.

Затоа ги известувам моите сограѓани да ги отстранат возилата кои им се непрописно паркирани на јавна површина, а исто така да најдат начин да ги отстранат и хаварисаните возила со кои се попречува нормалното и безбедно одвивање на сообраќајот по улиците низ градот, За да не се соочат со прекршочни постапки или со присилно отстранување на истите повторно на нивни трошок.“, додава Христоски

Share

Градоначалникот и претставници од општина Крушево на настани во Унгарија и Босна и Херцеговина

Оваа работна недела Општина Крушево покрај редовните работни обврски со свои претставници присуствуваше и на два меѓународни настани.

Градоначалникот на општина Крушево Томе Христоски од 29.05.2018 до 31.05.2018 присуствуваше на работен состанок со претставници на Лаговите и националните рурални мрежи на Македонија, Словачка, Полска, Чешка и Унгарија во Будимпешта, Унгарија. Целта на оваа посета беше да се претстават локалната стратегија и идните планови на општина Крушево и запознавање со примерите и искуствата од поразвиените земји во однос на руралниот развој

Соработникот за односи со јавност и лицето за комуникација со млади Сотир Габелоски од 28.05.2018 до 31.05.2018 беше дел од студиската посета на Сараево, Босна и Херцеговина, како дел од мрежата на младински банки на Македонија, проект предводен од Младинфо.

Посетата на Босна и Херцеговина се однесуваше на концептот „младински банки“ кој е нешто ново за Македонија, а општина Крушево заедно со младинската организација Младински Сојуз – Крушево ќе работат да го спроведат и на територија на општина Крушево.

Share

3-та ИПА мото средба во Крушево, 90 луѓе од Балканот го посетија Крушево

Денес (24.05.2018) Крушево на мотор го посетија 90 луѓе членови на Меѓународната полициска асоцијација од Македонија, Србија, Црна Гора, Словенија и Хрватска како дел од 3-тата ИПА мото средба мај 2018.

Градоначалникот на општина Крушево Томе Христоски присуствуваше на пречекот на моторџиите и им посака добар престој тука, а гостите беа почестени со традиционалниот локум.

„Ова е промоција за Крушево и ги поканувам членовите на Меѓународната полициска асоцијација повторно да го посетат нашето Крушево“, порача градоначалникот Христоски.

Моторџиите го посетија Музејот на НОБ, гробот на Тоше Проески и спомен куќата „Тодор Проески“.

На крајот, општина Крушево доби благодарница како учесник во организацијата на овој настан.

Share

Приредба во ОУ „Никола Карев“ за Денот на Власите

Градоначалникот на општина Крушево Томе Христоски и претседавачот на Советот на општина Крушево Тома Петроски денес присуствуваа на скромната приредба во ОУ „Никола Карев“ по повод 23-ти мај Националниот ден на Власите.

Во своето обраќање градоначалникот Христоски порача дека ваквите денови се празници на сите граѓани на Македонија и Крушево и тие помагаат во зацврстувањето на меѓуетничките односи.

„23-ти мај е уште еден симбол на мултикултурното и мултиетничкото општество кое го градиме и унапредуваме. Концептот на едно општество се зацврстува секоја година кога ги одбележуваме деновите на различните националности“, порача градоначалникот на општината.

Градоначалникот Христоски на крајот од своето обраќање додаде дека овој настан за прв пат се одржува во Крушево, а од наредната година програмата ќе биде побогата и ќе вклучува и припадници на други националности.

Свои обраќања имаа и директорката на основното училиште Оливера Чавкароска која го изрази своето задоволство што е раководител на институција која вдомува деца од различни националности, а наставникот Ставре Шоке се обрати на влашки јазик, го честита празникот и ја најави програмата.

Учество во приредбата зедоа учениците од ОУ „Никола Карев“ со музички и литературни точки.

Share

Подмирен долгот за репрезентација на „Десет дена Крушевска Република“

etno_collageПодмирен е дел од долгот кој НКС „Десет дена Крушевска Република“ го има и заради кој сметката беше блокирана.

Се исплатија околу 30 000 денари, трошоци направени за репрезентација од претходните претседател и секретар на „Десет дена Крушевска Република“ во угостителските објекти во Крушево.

 

Share