Почетна » Articles posted by Сотир Габелоски

Архива по автор: Сотир Габелоски

3-та ИПА мото средба во Крушево, 90 луѓе од Балканот го посетија Крушево

Денес (24.05.2018) Крушево на мотор го посетија 90 луѓе членови на Меѓународната полициска асоцијација од Македонија, Србија, Црна Гора, Словенија и Хрватска како дел од 3-тата ИПА мото средба мај 2018.

Градоначалникот на општина Крушево Томе Христоски присуствуваше на пречекот на моторџиите и им посака добар престој тука, а гостите беа почестени со традиционалниот локум.

„Ова е промоција за Крушево и ги поканувам членовите на Меѓународната полициска асоцијација повторно да го посетат нашето Крушево“, порача градоначалникот Христоски.

Моторџиите го посетија Музејот на НОБ, гробот на Тоше Проески и спомен куќата „Тодор Проески“.

На крајот, општина Крушево доби благодарница како учесник во организацијата на овој настан.

Share

Приредба во ОУ „Никола Карев“ за Денот на Власите

Градоначалникот на општина Крушево Томе Христоски и претседавачот на Советот на општина Крушево Тома Петроски денес присуствуваа на скромната приредба во ОУ „Никола Карев“ по повод 23-ти мај Националниот ден на Власите.

Во своето обраќање градоначалникот Христоски порача дека ваквите денови се празници на сите граѓани на Македонија и Крушево и тие помагаат во зацврстувањето на меѓуетничките односи.

„23-ти мај е уште еден симбол на мултикултурното и мултиетничкото општество кое го градиме и унапредуваме. Концептот на едно општество се зацврстува секоја година кога ги одбележуваме деновите на различните националности“, порача градоначалникот на општината.

Градоначалникот Христоски на крајот од своето обраќање додаде дека овој настан за прв пат се одржува во Крушево, а од наредната година програмата ќе биде побогата и ќе вклучува и припадници на други националности.

Свои обраќања имаа и директорката на основното училиште Оливера Чавкароска која го изрази своето задоволство што е раководител на институција која вдомува деца од различни националности, а наставникот Ставре Шоке се обрати на влашки јазик, го честита празникот и ја најави програмата.

Учество во приредбата зедоа учениците од ОУ „Никола Карев“ со музички и литературни точки.

Share

Подмирен долгот за репрезентација на „Десет дена Крушевска Република“

etno_collageПодмирен е дел од долгот кој НКС „Десет дена Крушевска Република“ го има и заради кој сметката беше блокирана.

Се исплатија околу 30 000 денари, трошоци направени за репрезентација од претходните претседател и секретар на „Десет дена Крушевска Република“ во угостителските објекти во Крушево.

 

Share

Тркалезна маса во Крушево: „Буџети и јавни набавки: Вклученост на локалните засегнати страни во нивно креирање и мониторинг”

Finance thinkГрадоначалникот на општина Крушево како главен говорник ќе учествува на тркалезната маса „Буџети и јавни набавки: Вклученост на локалните засегнати страни во нивно креирање и мониторинг” во организација на Finance Think, која ќе се одржи денес(18.05.2018) во хотел Монтана Палас со почеток во 12 часот.

Покрај градоначалникот на општина Крушево учество како говорници ќе земат и градоначалникот на општина Прилеп Илија Јовановски, градоначалникот на општина Кривогаштани Рубинчо Шефтероски и Гоце Туманоски, експерт по јавни набавки.

Тркалезната маса ќе ја отвори Благица Петреска, извршен директор на Finance Think.

Повеќе информации за настанот на следниот линк.

Share

Градоначалникот учесник на семинар за туризам во Охрид

Градоначалникот на општина Крушево Томе Христоски и претставници од локалната самоуправа денес(17.05.2018) во Охрид учествуваат на семинар за туризам организиран од Министерство за економија и Свис контакт.

Од Охрид градоначалникот Христоски порача дека секое искуство и секое знаење што може да се добие за развој на туризмот е добредојдено.

„Секое мислење, искуство и знаење се важни за развој на туризмот во општина Крушево. Развојот на оваа гранка е наш приоритет и затоа земам учество за вакви настани“, изјави градоначалникот Христоски.

Share

Градоначалникот дел од 16 регионални ревии на песни, музика и игри

Градоначалникот на општина Крушево Томе Христоски денес е дел од 16-тите регионални ревии на песни, музика и игри кое се одржуваат во хотел Монтана Палас Крушево, а како организатор се јавува Здружението на пензионери од Крушево.

Во своето обраќање градоначалникот Христоски порача дека иако сите политики се насочени кон младите без знаењето и искуството на постарите не можеме да го движиме напред нашето општество.

„На нашата држава им се потребни младите и речиси сите политики се водат околу оваа група на граѓани, но без искуството на повозрасните и пензионерите нашето Крушево, нашата Македонија не можат да одат напред. Затоа ви се заблагодарувам и ве повикувам да продолжите со вашите активности, а општина Крушево ќе излезе во пресрет на се она што го подготвувате“, истакна градоначалникот на општина Крушево.

Градоначалникот Христоски од Сојузот на здруженија на пензионери на Македонија доби благодарница за учество на Ревијата и подарок монографија „70 години пензинерски активности за почит“

На овој настан се обрати и претседателот на Здружението на пензионери на Крушево Глигор Ангелески кој ги поздрави сите учесници и поддржувачи на настанот и оваа група на граѓани.

Регионалните ревии продолжија со песни, музика и игри во изведба на претставници од пензинерски здруженија од Прилеп, Битола, Кривогаштани, Демир Хисар, Крушево и други.

Share

Наместо 500 000 доделени над милион денари за „Десет дена Крушевска Република“

Крушево-Етно-Град-5По изборот на Манифестацијата „Десет дена Крушевска Република“ за проект од национален интерес и по иницијатива на општина Крушево за оваа манифестација се доделени бараните средства во износ од 1 170 000 денари.

Претходно, Министерството за култура додели 500 000 денари за „Десет дена Крушевска Република“.

Овие средства се рекордна сума доделена за одржување на манифестацијата, а локалната самоуправа активно работи на професионално организирање на настанот и привлекување на повеќе туристи преку истиот.

Share

Општина Крушево донира опрема за ФК „Питу Гули“

Градоначалникот на општина Крушево Томе Христоски денес(15.05.2018) на претставници од управата на клубот „Питу Гули“ додели опрема за членовите на фудбалскиот клуб. Опремата се состои во копачки, шушкавни тренерки, штуцни и копачки за првотимците.

Градоначалникот Христоски потенцира дека спортот во Крушево мора да се поддржува и мора да се развива.

„Мора да ги поддржуваме младите ентузијасти и во рамки на нашите можности да го развиваме спортот. Дониравме опрема за играчите и ќе продолжиме да ги поддржуваме и другите клубови од другите спортови во Крушево.“, истакна градоначалникот на општина Крушево.

Share

Агенцијата за туризам одвои 1 200 000 денари за развој на туризмот во Крушево

ПолетиштеЗа набавка на вештачката трева за полетиштето на Мечкин Камен Агенцијата за поддршка и промоција на туризмот одвои 1 200 000 денари, а тревата ќе биде поставена во Крушево во наредните месец дена.

За градоначалникот на општина Крушево Томе Христоски ова е доказ дека Крушево има поддршка од централната власт во областа на развојот на туризмот.

„Агенцијата за поддршка и промоција на туризмот сериозно се фокусира на Крушево и ја помага нашата работа во областа на туризмот. Со нивна помош го опремуваме полетиштето на Мечкин Камен и го подготвуваме за претстојните меѓународни параглајдинг натпревари.“, изјави градоначалникот Христоски.

Share

Крушево будно 2018 – 20 и 21 јули

Крушево будно 2018Оваа година музичкиот фестивал „Крушево будно“ во организација на Локалниот младински совет ќе се одржи на 20-ти и 21-ви јули, а ќе настапуваат познати македонски музички имиња.

Од Младинскиот совет засега не ги откриваат деталите околу настанот, но нивната главна цел е во овие два дена младите да покажат дека поделеноста меѓу нив не постои.

За подетални информации на следниот линк.

Share