Почетна » Articles posted by Сотир Габелоски

Архива по автор: Сотир Габелоски

ЕУ караванот во Крушево – ЕУ отвора многу можности за Крушево

ЕУ караванот на 12-ти септември го посети Крушево со претпладневна работилница за можностите што европските фондови ги нудат заедно со Раководителот на секторот за соработка на Делегацијата на ЕУ во Македонија Никола Бертолини и дебата се Амбасадорот на ЕУ во Македонија Семуел Жбогар, како дел од попладневната програма.

Бертолини ги презентираше отворените фондови на ЕУ за Македонија и конкретно за Крушево, а по презентацијата следеше интерактивна дебата.

Пред попладневната дебата со Амбасадорот Жбогар градоначалникот на општина Крушево Томе Христоски ги предводеше Амбасадорот и делегацијата на ЕУ на прошетка околу знаменитостите во Крушево. Жбогар и Христоски заеднички ги посетија споменикот „Илинден“ и галеријата Никола Мартиноски и прошетаа по дел од крушевските улици.

На дебатата организирана во локално кафуле учествуваа и Амбасадорот на Унгарија Истван Дукс и претседателот на невладината организација Младински Сојуз Крушево Методија Стојчески.

Share

Општина Крушево и основното училиште од Бучин објавуваат два тендери

Општина Крушево и ОУ „Св. Кирил и Методиј“ од Бучин распишуваат огласи за јавни набавки.

Општина Крушево објавува оглас за прибирање на понуди за сукцесивна набавка на услуги од Агенција за привремени вработувања за ангажирање на работници за потребите на општина Крушево во период од 12 месеци (линк подолу).

Основното училиште „Св. Кирил и Методиј“ од Бучин објавува оглас за барање за прибирање на понуди за набавка на огревно дрво за грејната сезона 2018/2019 (линк подолу).

Општина Крушево

ОУ Св. Кирил и Методиј, Бучин

Share

Се зголемува бројот на туристи во Крушево, раст од над 50% на ноќевањата

DSC09801Бројот на туристи во Крушево во првите осум месеци од годинава забележал значителен пораст во споредба со истиот период лани.

Според уплатената туристичка такса мината година во периодот од 1-ви јануари до 25-ти август во Крушево се реализирале 10 975 ноќевања, додека оваа година, за истиот период се реализирале 16 353 ноќевања.

Зголемувањето на бројот на ноќевања повлекува и зголемување на бројот на туристи, а градоначалникот Томе Христоски порачува дека локалната самоуправа работи секојдневно овие бројки да растат во текот на цела година.

„Годинава забележуваме значително зголемување на ноќевањата и тоа е заради настаните кои ги организираме, промовирањето на понудата на градот, соработката со приватниот угостителски сектор, а секако и параглајдинг натпреварите. Продолжуваме да работиме секојдневно бројките да растат“, порача градоначалникот Христоски.

Христоски додава дека зголемувањето на бројот на туристи значи повеќе приход за угостителите и раздвижено и исполнето Крушево.

Share

ОУ „Никола Карев“ објавува тендер за превоз на ученици

Основното општинско училиште „Никола Карев“, Крушево распишува тендер за превоз на ученици за учебната 2018/2019 година.

Огласот за прибирање на понуди можете да го погледнете на следниот линк.

Share

ФОТО „Марш до Мусица“ и забава со Шербет и Марио Еди

По повод 8-ми септември Денот на ослободувањето на Крушево се одржа планинарска тура од Манастирот Св. Преображение до врвот Мусица и концерт на групата Шербет и ди џеј Марио Еди во градскиот парк во Крушево.

Според градоначалникот на општина Крушево Томе Христоски овие настани треба да станат традиција и да привлекуваат поголем број на туристи.

„Втора година по ред се одржува „Марш до Мусица“, а за прв пат програмата ја збогативме со вечерн концерт под отворено небо. Овие настани треба да станат традиција и догодина да ги организираме подобро и со овој настан да привлечиме повеќе туристи“, изјави градоначалникот Христоски.

Подолу можете да погледнете фотографии од вчерашниот ден.

Share

Свечена седница на Совет на општина Крушево, Осмосептемвриска награда за Христо Мулар

Христо Христоски Мулар постхумно ја доби овогодинешна осмосептемвриска награда, а советот на општина Крушево додели пофалници на повеќе поединци, институции и организации за нивниот придонес во Крушево.

Специјален гостин на свечената седница на СОветот на општина Крушево беше и амбасадорката на Швајцарија во Македонија која во име на Амбасадата прими пофалница за особен придонес во развојот на туризмот во Крушево.

Дел од денешните активности по повод празникот беше и работниот дел на седницата на Совет на која исто така беше донесена одлука за подигнување спомен обележје на Тоше Проески и положување на цвеќе на неколку споменици од страна на Советот, градоначалникот, Сојузот на борци и Здружението на пензионери.

На седницата се обрати и градоначалникот на општина Крушево Томе Христоски кој се осврна на значењето на овој датум и одговорноста што локалната самоуправа ја има кон борците за слобода.

Пофалници беа доделени на: Виктор Илиески, Васе Богоеска, Агенција за туризам, клуб АКК Скопје, хотел Монтана, првенец во генерација, СОУ Наум Наумовски Борче, Свисконтакт, ХЕЛИ ХЦ параглајдинг клуб.

Share

Амбасадорот на Словенија во посета на градоначалникот Христоски и општина Крушево

Амбасадорот на Словенија во Македонија Н.Е. Милан Јазбец при својата посета на градоначалникот на општина Крушево Томе Христоски ја изрази својата поддршка кон работата на градоначалникот и локалната самоуправа и порача дека Крушево има традиција која вреди многу за Европа.

„Крушевската република е втора република во Европа. Имате традиција која е вредна за ЕУ. Како претставник на Словенија драго ми е што во Крушево и секаде во Македонија сум добро примен“, потенцира Амбасадорот Јазбец.

Во изјавата за медиуми тој порача дека соработката меѓу крушево и Словенија во иднина ќе се зајакнува и првиот чекор во тој процес е збратимување со некој град од Словенија сличен по население, положба и вредности на Крушево.

Градоначалникот Христоски и Амбасадорот Милан јазбец одржаа средба во кабинетот на градоначалникот од каде што се упатија кон хотел Илинден на разгледување на состојбата со овој хотел.

Share

Се одржа ФИС Ролер ски купот „Тоше Проески“, Ставре Јада најдобар

Викендот што измина(25 и 26 август) по втор пат во Крушево се одржа ФИС Ролерс ски купот „Тоше Проески“ на кој и во двете категории крушевчанецот Ставре Јада ги однесе победите.

Настанот беше официјално отворен во петок, 24.08.2018, со полагање на цвеќе на гробот на Тоше Проески од страна на Министерот за внатрешни работи Оливер Спасовски, градоначалникот на општина Крушево Томе Христоски и претседателот на организациониот одбор на натпреварот Васил Сокле.

Во спомен куќата „Тодор Проески“ се обрати Министерот Оливер Спасовски кој порача дека Министерството кое го раководи ќе продолжи да го поддржува настанот и го озраси своето задоволство што со овој настан уште еднаш се спомнува името на Тоше.

Градоначалникот Христоски порача дека благодарение на овој настан Крушево привлекува туристи, но и се враќа и повторно се развива спортот во општината.

„Овој настан значи промоција на Крушево. Овој настан значи дека Крушево го исполнуваме со настани кои привлекуваат туристи. Овој настан значи дека го издигнуваме Крушево на туристичката мапа. Овој настан значи дека го враќаме спортот во нашата општина.“, потенцира Христоски во своето обраќање.

Тој се заблагодари на Министерството за внатрешни работи и Агенцијата за млади и спорт што го поддржаа овој настан.

ФИС Ролер ски куп „Тоше Проески“ се одржува по втор пат во Крушево во организација на општината, ресорната федерација, Олимпик-скии клубот од Крушево, фондацијата Тоше Проески, а поддржувачи се Министерството за внатрешни и Агенцијата за млади и спорт.

Share

Компанијата „5 Летерс“ доделува две стипендии на студенти

Компанијата „5 Летерс“ ДОО доделува две стипендии на студенти запишани на прв циклус студии во учебната 2018/2019 година на Земјоделски факултет.

Насоките кои ги стипендира компанијата се Поледелство и Квалитет и безбедност на храна.

Повеќе дета погледнете на фотографијата.

IMG-696688054483858ee3113b754c9b9b4b-V

Share

Тенискиот клуб МТП од Скопје на подготовки во Крушево

MTPПочнувајќи од утре, петок (24.08.2018), во Крушево ќе гостува тенискиот клуб МТП од Скопје кој ќе одржува свои подготовки на тениските игралишта во Крушево.

Термините за одржување на нивните тренинзи се следниве:

Петок (24.08.2018)

17 до 19 часот

Сабота )25.08.2018)

09 до 11 30ч.
16  до 18ч.

Недела(26.08.2018)

09 30 до 11ч.
17 до 19ч.

Понеделник

09 до 10 30ч.
17 до 19Ч

Вторник

9 до 10ч.

Општина Крушево апелира до младите крушевчани кои ги користат тениските игралишта во термините предвидени за тренинг на МТП клубот да ги отстапат терените и да се овозможи непречена подготовка на тениските играчи.

Share