Почетна » Articles posted by elena

Архива по автор: elena

Крушево домаќин на Интернационален натпревар во ориентација

На ден 29-ти септември, петок, со старт во 15:00 часот, Ориентациониот клуб „Златоврв“ од Прилеп ќе организира Интернационален спортски натпревар во ориентација во Крушево.

Оваа година, на шестиот по ред натпревар,  ќе се натпреваруваат околу 200 натпреварувачи од 14 земји од Европа и други континенти.

Со овој настан, Крушево уште еднаш се става на мапата на екстремните спортови и станува главен туристички центар на голем број посетители, вљубеници во овие спортови.

Освен промоција на Крушево со целокупната своја туристичка понуда како центар за екстремни спортови, целта на овој натпревар е и промоција и доближување на овој спорт до што повеќе граѓани и запознавање со убавините и предизвиците на овој спорт.

Сподели

МЛАДИТЕ СЕКОГАШ ВО ФОКУСОТ НА ОПШТИНА КРУШЕВО

На денешниот тренинг на најмладите играчи на ФК „Питу Гули“, Градоначалникот на Општина Крушево, Ѓорги Дамчески им подари маички со амблемот на Општина Крушево и амблемот на ФК „Питу Гули“ како поттик за нивниот натамошен напредок.

НА ПОВИДОК НОВА, ЧЕТВРТА ИНВЕСТИЦИЈА ВО БЛИЗИНА НА ИНДУСТРИСКАТА ЗОНА „ОПАЛЕНИК“

На денешниот состанок на Градоначалникот на Општина Крушево, Ѓорги Дамчески и сопственикот на „Еко Шар“ ДОО – Тетово, Џеваир Османи е потпишан договор за регулирање на меѓусебните односи  при изготвувањето на локална урбанистичка планска документација за оформување на градежни парцели и утврдување на услови за изградба и реновирање на стопански капацитети во мв „Кореница“, КО Алданци, Општина Крушево.

Стопанскиот капацитет ќе биде со намена за откуп и преработка на млеко и млечни производи од асортиманот на млекарата „Еко Шар“. Се предвидува откуп на 60 тони млеко на дневна основа и негова преработка.

Нов стопански капацитет и нови работни места.

04

ЈАВЕН ОГЛАС

до евидентирани невработени лица за вклучување во Програмата Општинско – корисна работа 2017 година

Огласот исто така може да го преземете на следниов линк:  ЈАВЕН ОГЛАС ЗА ОКР 2017г.

 

1 OKR

 

2 OKR

Одбележан 8-ми Септември, Денот на ослободувањето на Крушево и Денот на независноста на Република Македонија

Со полагање на свежо цвеќе пред спомениците на паднатите херои од НОВ и со свечена седница на Советот на Општина Крушево,  одбележан беше празникот 8-ми Септември- Денот на ослободувањето на Крушево и Денот на независноста на Република Македонија.

Со Одлука на Советот на Општина Крушево наградата 8-ми Септември, како највисоко општинско признание што Општина Крушево го доделува по повод 8-ми Септември – Денот на ослободувањето на Крушево и Денот на независноста на Република Македонија, се додели на SEKE S.A. Xanthi, Грција и тоа за посебен придонес во областа на економскиот развој и афирмација на Општина Крушево.

Градоначалникот Ѓорги Дамчески  исто така додели повеќе пофалници и признанија на здруженија на граѓани и поединци кои со своето работење придонеле за афирмација на Крушево како туристичка дестинација како и пофалници на учениците од ООУ „Никола Карев“ кои покажале посебен успех и се стекнале со признанија и награди во текот на учебната 2016/2017 година.

Пофалници и симболични финансиски средства на најдобрите ученици-првенци на генерација 2016/2017 година.

Признание по повод 8-ми Септември на нашите сограѓани Владо Лазарески, Василика Костадиноска и Сандо Мојчески за посебен придонес во афирмација и реализација на манифестацијата„ Крушево Етно град“.

Признание по повод 8-ми Септември на организацијата на жени „ЦВЕТ“ од Крушево за посебен придонес во афирмација на Општина Крушево во областа на културата и промоција на традиционалните културни вредности.

Пофалница на здружението на граѓани „СИНИЈА“ од Охрид за посебен придонес во афирмација на Општина Крушево во областа на културата, спортот и унапредување на животната средина преку реализација на фестивалот на отворено „WHEN IN KRUSEVO“.

Свечената седница беше збогатена со културно-уметничка програма организирана од учениците, наставниците и професорите на ООУ„Никола Карев“ и СОУ „Наум Наумовски-Борче“ Крушево.

Чествувањето продолжи вечерта со отворање на изложбата на слики „Цвеќе на мирот“ на Живко Поповски – Цветин кој во Домот на култура „Наум Наумовски Борче“ по повод 8-ми Септември испрати уметничка порака за мир.  Од вкупно 33 слики, 21 „цвеќе на мирот“  ќе бидат подарени на галеријата „Никола Мартиновски“. Изложбата беше збогатена со поезијата на поетесите од новоформираното друштво на писатели од Крушево.

Турнир во мал фудбал „Илинден 2017“ – финале

Со финалниот натпревар помеѓу екипите „Сан Марино“  и „Пјаца-Шери“, пред огормен број на гледачи,  заврши четвртиот по ред турнир во мал фудбал „Илинден 2017г.“ во Крушево.

Од вкупно 22 пријавени екипи, најуспешна беше екипата „Сан Марино“ кои во финалниот натпрвар ја победи екипата на „Пјаца – Шери“ со резултат 5:0.

Третото место го освои екипата „Кривогаштани“.

Градоначалникот на Општина Крушево на најуспешните екипи им додели пехари и парични награди:

за освоено I место – 20.000 ден.

за освоено IIместо – 10.000 ден. и

за освоено  III место – 5.000 ден.

 

РАСПОРЕД НА НАТПРЕВАРИ

ТУРНИР ВО МАЛ ФУДБАЛ „ИЛИНДЕН“ 2017

КРУШЕВО

Распоред 1

Распоред 2

Резултати од првото коло на турнирот во мал фудбал „Илинден“ 2017

Резултати - прво коло.1

ФОТО  ГАЛЕРИЈА

Изгаснат пожарот помеѓу с.Норово и с.Алданци

Во заеднички координирана акција на Градоначалникот на Општина Крушево, локалната самоуправа, припадници на ТППЕ Крушево,  директорот и вработени во ЈП „Липа“ Крушево, вработени во ЦУК и доброволци на Општина Крушево, успешно е локализиран и изгаснат пожарот помеѓу с.Норово и с.Алданци.

Ова е веќе 5-ти по ред , најверојатно подметнат пожар во тој реон.

Се замолуваат сите надлежни институции одговорни за заштита и стопанисување со шумите да посветат поголемо внимание на превенција на пожари на тоа подрачје.

 

СООПШТЕНИЕ

Соопштение за аеродезинсекција